9 vjet pa viza, Basha garanton: Shqipëria anëtare e BE!

Sot në 9 vjetorin e lëvizjes pa viza, Kryetari i Partisë Demokratike, Lulzim Basha duke kujtuar ditën kur si Ministër i Brendshëm shoqëroj grupin e parë të studentëve dhe të të rinjve shqiptarë që udhëtuan pa viza në BE, garantoj se do të bëj gjithçka për të plotësuar dëshirat e gjithësecilit për Shqipërinë anëtare të Bashkimit Europian.

“Para 9 vitesh, si Ministër i Brendshëm, shoqërova grupin e parë të studentëve dhe të të rinjve shqiptarë që udhëtuan pa viza në Bashkimin Europian. Bashkë, plotësuam një ëndërr, lëvizjen e lirë të shqiptarëve,” uron sot Lulzim Basha përmes një videomesazhi në rrjetin social Facebook duke garantuar:

“Do të bëj gjithçka për ta mbrojtur këtë arritje dhe për të plotësuar shpresat dhe dëshirat e gjithësecilit prej jush për Shqipërinë anëtare të Bashkimit Europian. Ju uroj një të diel të mbarë! “