Mali i Zi-Kroaci, shtetasi shqiptar Luan Hasanaj vret policin kufitar!
Shtetasi shqiptar, Luan Hasanaj, 43 vjeç, në kufirin Mali i Zi-Kroaci ka vrarë policin Millutin Llekoviç, 41 vjeç, ka bërë të ditur Drejtoria e Policisë në Podgoricë.
Përmes komunikatës policia bënë të ditur se me të ishin edhe shtetasit shqiptar, Lulzim Hasanaj, 49 vjeç, dhe Nure Hasanaj, 67 vjeçe. Tre të arrestuarit fillimisht policisë malaeze i kishin deklaruar se janë nga Kosova, raporton e përditshmja malazeze “Vijesti”.
Vrasësi i policit kufitar të Malit të Zi është person në kërkim edhe në Shqipëri për shkak të vrasjes, tentim vrasjes dhe armëmbajtjes pa leje.
Luan Hasanaj gjithashtu është person në kërkim nga drejtësia shqiptare për shkak të vrasjes dhe komplotit, deri sa gruaja 67 vjeçare Nure Hasanaj e cila është arrestuar me ta në Shqipëri, është person në kërkim për shkak të kërcënimeve.
Mësohet se mjekët nuk arritën ti shpëtojnë jetën policit kufitar, i cili u plagos dje rreth orës 14 në Igallo. Siç bëhet e ditur, Llekoviç u qëllua në kokë nga Luan Hasanaj, i cili ishte kapur dhe po dërgohej në komisariatin e policisë. Pasi qëlloi policin nga sedilja e pasme në makinën zyrtare të policisë, ai së bashku me dy shoqëruesit shqiptar arriti të largohet.
Në kohën që mjekët po luftonin për jetën e Llekoviçit, kolegët e tij nisën kërkimin e tre shtetasve shqiptar që ishin nisur drejtë kufirit me Kroacinë. Ata u arrestuan rreth orës 17 në Fushën e Sutorinit në përpjekje për të kaluar në këmbë kufirin me Kroacinë.
Kur i lokalizoi policia, vrasësi i policit sërish qëlloi mbi policinë. Gjatë shkëmbimit të zjarrit ai u plagos në dorë, dhe më pas që të tre, Luan, Lulzim dhe Nure Hasanaj, u arrestuan. Nga policia e Malit të Zi bëhet e ditur se të arrestuarit janë paraqitur në orën 16:00 pranë Prokurorisë së Lartë në Podgoricë.
