Tërmeti 26 Nëntorit/ Përgjegjës për shembjen e godinave, Gjykata lë në burg 9 të arrestuarit

Gjykata e Durrësit ka caktuar masën e sigurisë “arrest me burg” për 9 të arrestuarit si përgjegjës për banesat e shembura nga tërmeti i 26 nëntorit, që la pas 51 viktima.

1.Arben Isaku, me detyrë ish-drejtor i ALUIZNI-it Durrës,

2.Klajdi Lame, në cilësinë e inspektorit të INUK Durrës, në objektin pallat 6- katësh,

3.Albrend Qetka, në cilësinë e specialistit të verifikimit në terren pranë ALUIZNI-it, Durrës, në objektin pallat 6- katësh,

4.Kujtim Hasa, në cilësinë e shefit të shërbimeve të shtëpisë së pushimit të Ministrisë së Brendshme,

5.Ahmet Doda, në cilësinë e drejtorit të shtëpisë së pushimit të Ministrisë së Brendshme,

6.Rruzhdi Xheka, në cilësinë e ndërtuesit informal në objektin “Hotel Mira Mare”,

7.Avdulla Osmani, në cilësinë e ndërtuesit informal të legalizuar më vonë në mënyrë të paligjshme të objektit “Hotel Tropikal”,

8.Defrim Celami, në cilësinë e specialistit që ka përpiluar aktin e ekspertimit teknik në objektin pallat 6- katësh,

9.Nevjana Isufi, e cila me studion e saj private hartonte projekte fiktive.

Ndryshe, Prokuroria e Durrësit e përfaqësuar nga prokurorët Pali Deçolli, Edmond Kaloshi dhe Madrid Kullolli kërkoi në gjykatë, caktimin e masës së sigurisë “arrest në burg”, në seancën e cila drejtohej nga gjyqtari Paulin Çera.

Ndërkohë në kërkim janë shpallur:

1. Arben Qato pronar i Vila Palma

2. Dëshira Qato-shefe e urbanistikës në Kavajë (Gruaja e Arben Qatos)

3. Aldo Dakovelli, shef sektori në Kadastrën e Durrësit

4. Artemis Malko punonjës terreni në Kadastrën e Durrësit

5. Artur Cela, ish-drejtori i INUV

6. Flamur Gjuzi, ish-drejtori i ALUIZNIT Durrës, dhe ish-kandidat i LSI për deputet

7. Artur Terziu, pronari i “Bar Barons”

8-9. Dy ndërtuesit e banesës së familjes Lala në Kënetë