LDK nuk heq dorë nga posti i Presidentit: Përgjegjësi të barabarta!

Me rastin e shënimit të 30-vjetorit të themelimit të LDK-së, kyetari Isa Mustafa i bëri thirrje partnerit të mundshëm qeverisës, Lëvizjes Vetëvendosje që të lexojë qartë rezultatin e procesit zgjedhor të 6 tetorit dhe të ndajnë përgjegjësitë në mënyrë të barabartë, duke e bërë të sqartë se vazhdon ta kërkoj postin e Presidentit.

Edhe pse tha se ka vullnet për bashkëqeverisje me Lëvizjen Vetëvendosje, Isa Mustafa u shpreh se LDK më së paku ka nevojë për presion publik dhe mediatik gjatë procesit të marrëveshjes finale.

Në jubileun e 30-të të formimit të LDK-së, Mustafa kërkoi zbardhjen e vrasjeve të zyrtarëve të kësaj partie, ku tha se ndriçimi i këtyre rasteve është borxh dhe detyrim për të ardhmen e Kosovës.

Me këtë rast, Kryetari i LDK-së, Isa Mustafa, bëri thirrje edhe për unitet brenda partisë, dhe tha se të gjitha ambiciet personale duhet të tejkalohen.