Urimi për Krishtlindje, Basha nga Durrësi: Bekim dhe Lutjet në veçanti për të prekurit nga tërmeti!

Kryetari i Partisë Demokratike, Lulzim Basha, duke uruar Kirshtlindjen të gjithë shqiptarëve nga Kisha Orthodokse e Shën Palit në Durrës tha se bekimet dhe lutjet në veçanti shkojnë për të prekurit nga tërmeti.

“Kjo festë sjelltë besim, lumturi dhe jua mbushtë zemrat me dritë gjithë shqiptarëve. Në veçanti bekimet dhe lutjet e mija janë me ata më shumë në nevojë, në veçanti me të goditurit nga tërmeti i 26 nëntorit,” tha Lulzim Basha, duke uruar që kjo ditë e shenjtë e lindjes së krishtit të jetë dhe një thirrje për një bashkim më të madh dhe më të fuqishëm, si një familje për të përballuar çdo të keqe dhe për të dalë në dritën e begatisë dhe bekimit të zotit.

Urimi:

Dua t’i uroj të gjithë besimtarët e krishterë të Durrësit dhe të gjithë Shqipërisë Krishtlindje të gëzuara.

Kjo festë sjelltë besim, lumturi dhe jua mbushtë zemrat me dritë gjithë shqiptarëve. Në veçanti bekimet dhe lutjet e mija janë me ata më shumë në nevojë, në veçanti me të goditurit nga tërmeti i 26 nëntorit.

Qoftë kjo ditë e shenjtë e lindjes së krishtit edhe një thirrje për një bashkim më të madh dhe më të fuqishëm, si një familje për të përballuar çdo të keqe dhe për të dalë në dritën e begatisë dhe bekimit të zotit.

Gëzuar! Zoti e bekoftë Shqipërinë!

Ndërsa Kryeministri Edi Rama ka zgjedhur në këtë ditë të shenjtë që besimtarët e krishterë ti uroj me fjalët e Papa Françeskut.

Përmes një shënim në shënimi në rrjetin social Facebook, Edi Rama kujton urimin e Papës për Krishtlindje. 

“Zoti nuk i jep kurrë një dhuratë atyre që nuk janë në gjendje ta marrin! Ai na ka dhënë Krishtlindjet, sepse të gjithë ne kemi aftësinë t’i kuptojmë e t’i mirëpresim.”