Shkëmbim zjarri në kufi, kush janë babë e bir shqiptarë që sulmuan policinë greke

Shkëmbim zjarri në kufirin greko-shqiptar mes një grupi grabitësish dhe policisë greke. Mediat greke raportojnë se ngjarja ka ndodhur në Agio Nikola, në Filat të Igumenicës. Në këtë zonë policia greke ka rënë në gjurmë të një grupi prej 5 personash që po tentonin të kalonin ilegalisht kufirin nga Greqia në Shqipëri.

Në pranga ka rënë 46-vjeçari Sulo Ismaili, nga fshati Janjar i Sarandës, i cili ka bërë rezistencë të fortë, duke plagosur dhe njërin prej policëve grekë, raporton BW. Ai rezulton me precedentë penalë në Sarandë dhe në Greqi, për grabitje. Gjithashtu, në pranga ka rënë dhe djali i tij, E. Ismaili, 16 vjeç.

Banda e grabitësve përbëhej nga pesë persona, në momentin e shkëmbimit të zjarrit me policinë, por tre prej tyre arritën të shpëtonin. Ata vidhnin kafshë të ndryshme në Greqi dhe i prisnin ose i sillni të gjalla drejt Shqipërisë.