Shuhet një nga themeluesit e PD Dega Fier, Edmond Ymeraj!

Ndahet nga jeta, pa pritur dhe para kohe, Edmond Ymeraj, një nga themeluesit e Partisë Demokratike Dega Fier. Lajmin e hidhur e bënë të ditur Kryetari i PD Dega Fier, Luan Baçi, duke kujtuar 6 Janarin e vitit 19919, kur Mondi sfidoi frikën dhe dhe përndjekjen e falangave të kohës së diktaturës, ku ishte dhe njëri ndër themeluesit e Partisë Demokratike Dega Fier.

“U largove pa pritur dhe para kohe miku ynë Mondi, të takova, jo më largë se dy ditë më parë, biseduam, pak më shumë se zakonisht, ishe i shqetësuar për situatën që po kalojmë, dhe si gjithmonë i gatshëm për të dhënë kontributin tënd të vyer, për PD dhe Fierin.

Me këtë monstër që është sot në krye, duhet një ‘91 i dytë,” kujton Luan Baçi fjalët e Mondit përmes një shënimi në profilin e tij në rrjetin social Facebook ndërsa i shpreh ngushëllimet më të sinqerta dhe të ndjera, familjes, bashkëshortes, dhe fëmijëve, të tij.

Sot në orën 14:00, Edmond Ymeraj do të përcjellet në banesën e fundit.

Ja statusi i plotë:

Ndahet nga jeta, pa pritur dhe para kohe, Edmond Ymeraj, një nga themeluesit e Partisë Demokratike Dega Fier.

Pak ditë na ndajnë nga 6 Janari dhe ne do të mblidhemi, për të festuar, këtë ditë që përkon me ditën e ujit të bekuar dhe kjo ditë e bekuar për Fierin tonë, këtë radhë do të jetë, pa Mondin.

Shumë kush e kujton 6 Janarin 1991 bashkë me Mondin, me djalin kurajoz dhe trim, që krijuan PD Dega Fier dhe në ditët në vijim, me megafon në dorë, në krah edhe të Prof.Dr. Sali Berishës, sfidoi frikën dhe përndjekjen, e falangave të kohës së diktaturës dhe bashkë me të tjerë, burra fisnik të kohës, si Fatos Mihali, Arjan Nikaj, Veli Koçi, Viktor Margilaj, etj, shkruan historinë dhe sot kujtohen me vlerësim dhe respekt nga të gjithë ne.

U largove pa pritur dhe para kohe miku ynë Mondi, të takova, jo më larg se dy ditë më parë, biseduam, pak më shume se zakonisht, ishe i shqetësuar për situatën që po kalojmë, dhe si gjithmonë i gatshëm për të dhënë kontributin tënd të vyer, për PD dhe Fierin.

Me këtë monstër që është sot, në krye më the, duhet një ‘91 i dytë.

Në emrin tim personal dhe të Partisë Demokratike Dega Fier, shpreh ngushëllimet më të sinqerta dhe të ndjera, familjes, bashkëshortes, dhe fëmijëve, të tij.

Sot në orën 14:00 do të përcjellim për në banesën e fundit, do të jemi aty, plotë nderim dhe respekt për ty miku jonë.

Lamtumirë Mondi, do të kujtojmë gjithmonë me respekt dhe mallë.