Edi Rama heshtë, Këshilltari i tij: Prapa zhvillimeve në Mal të Zi qëndron Beogradi!

Deri sa Kryeministri Edi Rama ka zgjedhur të heshtë pas zhvillimeve në Mal të Zi dhe sulmit ndaj Ambasadës së këtij shteti në Serbi, Këshilltari i tij i shumë diskutuar dhe kandidati për President i Kroacisë, Zoran Milanoviç mendon se këto sulme organizohen nga Beogradi

Gjatë përballjes në televizionin publik kroat, HRT, mes dy kandidatëve për president në raundin e dytë, Kolinda Grabar Kitaroviç dhe Zoran Milanoviç, temë e pashmangshme ishin zhvillimet në Mal të Zi pas Ligjit të miratuar për liritë fetare, që ka shkaktuar dhe tensione radikale në mes të Beogradit dhe Podgoricës.

“Është e drejtë sovrane e Malit të Zi të miratoj ligjet e veta dhe komentimi i kësaj situate do të ishte ndërhyrje në punët e brendshme të Malit të Zi,” tha Grabar Kitaroviç duke shpresuar se Mali i Zi do ta zgjidhë këtë çështje.

Ndërsa Milanoviç tha se Presidentja aktuale e Kroacisë ka kritere të dyfishta kur është fjala për ndërhyrje në punët e brendshme të një shteti tjetër.

“Pas kësaj që po ndodhë në Mal të Zi qëndron Beogradi, çarshia. Dhe ky nuk është rrezik për Kroacinë, por duhet ta kemi të qartë,” tha Milanoviç i cili ndonëse është paguar nga taksapaguesit shqiptar nuk ka lënë gjurmë tek kryeministri Edi Rama i cili, siç u shprehë, në fjalimin e Vitit Ri tha se “kush më njeh më nga afër, kush punon me mua e di se nuk këmbëngul në një drejtim apo opinion të gabuar. I dëgjoj argumentet, kur janë bindëse tërhiqem…”