VIDEO/ Gardisti i armatosur tenton t’i marrë të rinjve pankartën, ja çfarë ndodhi në Elbasan

Në rrjet dhe media po qarkullon një video ku tregohet moment sesi një punonjës i Gardës së Republikës tenton të marrë një nga pankartat që të rinj të FRPD mbanin në duar në protestën e tyre kundër Edi Rama, gjatë vizitës që Kryeministri zhvilloi në Elbasan.

Në videodallohet makina e Kryeministrit Rama dhe një nga truprojat e tij që mbyll derën e makinës.
Vetëm pak metra më tej, në një cep, një nga oficerët e Gardës (personi i veshur me këmishë bezhë), shtyn të rinjtë duke dashur t’ju rrëmbejë nga duart pankartat.

Në këtë moment, ka ndërhyrë një qytetar që ka kaluar aty afër, duke i thënë gardistit të mos iu afrohet më të rinjve.

“Nuk je mercenar, ti ushqehesh me taksat e qytetarëve”, i drejtohet ai gardistit.