Takimi Kurti-Mustafa përfundon pa rezultat, bisedimet vazhdojnë nesër

Pas 92 ditësh u deshën edhe më shumë se tri orë bisedime në mes të kryetarit të Lëvizjes Vetëvendosje, Albin Kurti dhe atij të LDK, Isa Mustafa, për t’u bindur se ata nuk bijnë dot dakord.

Isa Mustafa nuk pranoi të deklarohet për detajet e takimit, por përkundër përçmimit që Albin Kurti i bëri atij dhe LDKsë ai paturpësisht u shpreh:

“S’jemi kanë idhnushëm me Albin Kurtin, kemi me u taku nesër!”

Edhe zëdhënësi i LDK-së, Besian Mustafa, tha se takimi do të vazhdojë nesër ndonëse nuk ka shpalosur detaje nga takimi sapopërfunduar.

Takimi Kurti-Mustafa u zhvillua pas mbledhjes së Kryesisë së Lëvizjes Vetëvendosje e cila u zhvillua sot dhe një ditë para skadimit prej 48 orëve që ka vendosur Presidenti Thaçi.