Boeing zbulon një problem të ri në avionët 737 Max

Kompania amerikane e prodhimit të avionëve, Boeing, tha se ka zbuluar një problem të ri në furnizimin e aeroplanët e tipit 737 Max.

Kompania Boeing tha se ka njoftuar Administratën Federale të Aviacionit lidhur me këtë problem, raporton RFE.

Një person që ka njohuri me situatën tha se problemi ka të bëjë me programin që verifikon nëse monitoruesit mund të gjurmojnë sistemet kyçe të avionit për të parë nëse funksionojnë siç duhet.

Kompania Boeing është përballur me probleme pasi dy avionët e tipit 737 Max u rrëzuan në Indonezi dhe Etiopi vitin e kaluar, duke lënë të vdekur 346 persona, gjë që çoi autoritetet në mbarë botën të ndalojnë fluturimet e këtij tipi të avionëve.