Thaçi fton në takim Kurtin

Presidenti i Kosovës, Hashim Thaçi, ka ftuar kryetarin e Lëvizjes Vetëvendosje, Albin Kurti, për të pranuar dekretin e mandatarit për formimin e qeverisë së re të Kosovës.

Zyra për Informim e Presidencës konfirmoi se Kurti është ftuar sot në orën 12:00 në presidencë.

“Presidenti Hashim Thaçi, pas pranimit të propozimit të mandatarit për formimin e Qeverisë nga Lëvizja Vetëvendosje, e ka ftuar të propozuarin Albin Kurti për ta pranuar dekretin sot më 20 janar 2020, në orën 12:00”, thuhet në njoftim.

Ndërsa nga Zyra për Media e Lëvizjes Vetëvendosje janë shprehur se ende nuk e kanë pranuar një ftesë të tillë, njofton Kosovapresss dhe nuk kishin përgjigje nëse Kurti do të shkojë në presidencë.

Ndryshe, Lëvizja Vetëvendosje dorëzoi sot propozimin me emrin e Albin Kurtit për mandatar për Kryeministër.