Haxhi Robin Krasniqi kampion evropian në EBU

Haxhi Robin Krasniqi mbrëmjen e së shtunës fitoi titullin e kampionit evropian në EBU, duke mundur me pikë boksierin rus, Stanislaw Kaschtanow, në sallën Bad Tölz të Gjermanisë, raporton albinfo.ch.

Tashmë Krasniqit i janë hapur rrugët që të luftojë edhe për titullin e kampionit të botës.

“Shumë kanë menduar se lufta ime ka mbaruar. Nuk i njoh kufijtë e mi, jam i gatshëm të bëjë edhe shumëçka dhe dua të bëhem kampion bote”, është shprehur Krasniqi pas meçit.

Ai ka falënderuar shqiptarët për përkrahjen e madhe që i kanë dhënë në sallë, por edhe ditëve të fundit.

Për luftën për Kampion Bote, Krasniqi do të preferonte të ndeshej në vendlindjen e tij, Prishtinë, para 30 mijë spektatorëve. Më 2015, ai humbi meçin për kampion bote kundër Jurgen Brahmerit.

Haxhi Krasniqi merr “hakun” e Haradinajt

Ndërkohë duke raportuar për fitoren, Agjencia e lajmeve “Presheva Jonë” thekson se Haxhi Kraniqi, një vendas i kryemnistrit të Kosovës, ka marr “hakun” e Haradinajt.

“Mjeshtria e boksierit nga Kosova la të tronditur rusin. Kashtanov e përjetoi rëndë humbjen nga djaloshi i artë shqiptar. Haxhi Krasniqi tregoi zgjuarsi dhe nuk i dha mundësi kundërshtarit për ta befasuar edhe pse ishte i papërshtatshëm.”

Lidhur me “hakun”, agjenica e lajmeve i referohet shkrimit që kishte botuar ditë më parë  “Gjashtë rus sulmojne Haradinajn. Gazetat e Beogradit: Shikoni se si u përgjak armiku më i madh i Serbise” ku thuhej se “ish komandani i UÇK-së ishte sulmuar nga gjashtë ushtarë rusë që  në periudhën e pasluftës shërbenin si   KFOR, dhe nga të dyja palët kishte të lënduar, incident ky i cili ishte raportuar nga AFP dhe Der Spiegel.