VIDEO/ Shqipëria zhgënjen edhe me Ukrainën
Kombëtarja e Shqipërisë zhgënjeu me lojë e me rezultat në ballafaqim me Ukrainën, duke pësuar humbjen 4:1, në ndeshjen miqësore që u zhvillua në stadiumin modest, me kapacitet 3 mijë shikues, në Evian të Francës.
Në 45 minutat e para Shqipëria bëri lojë shumë të dobët sidomos reparti i mbrojtjes ka qenë i përgjumur, kurse sulmi jo në nivelin e pritur. Kjo është humbja e dytë rresht dhe bindëse e Shqipërisë në miqësore, sepse me 29 maj kishte pësuar në Zurich me 3:0 edhe nga Kosova.
Një humbje e rendë dhe një goditje e madhe edhe për përzgjedhësin e Shqipërisë Christian Panucci, që diçka nuk po i shkon ashtu siç duhet.
Statistikat
90’ Yarmolenko Evgen Konoplyanka vulosin fitoren në 1:4.
89’ Emanuele Ndoji ngushton humbjen në 1:3, pas goditjes nga rreth 14 metra e përtokë.
88’ Shtylla shpëton Shqipërinë, pas goditjes së Yarmolenkos.
83’ Vazhdon rezultati 0:3 për Ukrainën. Konoplyanka nga distanca hedh një ‘bombë’ por Berisha evitoi golin e katërt.
75’ Shqipëria nuk është në nivelin e saj, e cila pas humbjes së thellë me 3:0 nga Kosova, po me të njëjtin rezultat po pëson edhe nga Ukraina.
72’ pa ndryshim rezultati, por edhe me pak raste shënimi. Ukraina avancon me 0:3.
66’ Ukraina është e kënaqur me epërsinë 0:3, ndërsa Shqipëria deri me tash e paforcë për të bërë diçka.
57’ Vazhdon epërsia e Ukrainës me rezultat 0:3.
53’ Shqipëria vazhdon me lojë pa shije dhe Ukraina vazhdimisht e rrezikshme.
48’ Shqipëria është në disavantazh nga Ukraina, 0:3.
Fillon pjesa e dytë. Përfundoi pjesa e parë. 45’ Shqipëria sërish pësoi. Andriy Yarmolenkon shfrytëzoi gabimin e mbrojtjes dhe thelloi epërsinë në 0:3.
36’ Mbrojtja e Shqipërisë nuk është normale, të cilët nuk janë të përqendruar si duhet. Andriy Yarmolenko në 16-sh mashtron mbrojtjen dhe me goditje të fortë mposht Berishën, 0:2.
31’ Mbrojtja e shthurur e Shqipërisë i dha mundësi ukrainasve të kalojnë në epërsi. Futbollisti Evgen Konoplyanka nga rreth 13-14 metra me një goditje të fortë la të shtangur portierin Etrit Berisha, 0:1.
26’ Nuk ka gola, por Ukraina deri me tash ka qenë mjaft e rrezikshme sidomos ka pasur tri raste ideale.
18’ Sërish Yarmolenko por goditja e tij për fat të mirë të Berishës shkoi jashtë portës.
15’ Shqipëria sërish me fat, Konoplyanka jashtëzakonisht i rrezikshëm, por gjuajtja e tij devijohet në korne.
13 Sabien Lilaj nga rreth 20 metra gati sa tundi portën e Ukrainës, por portieri me vetëmohim dëbon topin.
8′ Shqipëria me fat, Yarmolenko në pozitë ideale nuk shënoi. Hysaj largoi topin para portës dhe shpëtoi gol të sigurt.
6’ Ermir Lenjani doli në pozitë ideale, por gjuajtja e tij e gabuar dhe lëshoi mundësinë për të shënuar.
