Programi i Rindërtimit, Edi Rama: 18 zonat e reja të zhvillimit, në 7 bashki
Kryeministri Edi Rama ka publikuar sot Raportin e Përmbledhur mbi ecurinë e Programit të Rindërtimit ku deri më tani janë shpallur me Vendim të Këshillit të Ministrave, 18 zona të reja zhvillimi, në 7 bashki
Ky raport, saktëson Kryeministri, nuk është përfundimtar dhe për të shmangur çdo keqkuptim, përmes rrjetit social Facebook informon se zonat e papërfshira në të janë ende në fazën e përgatitjes për miratim ndërsa garanton:
“Pra askush dhe asnjë zonë e prekur nuk do mbetet jashtë Programit të Rindërtimit.”
Pas saktësimit të listës përfundimtare të subjekteve që do të përfitojnë nga Programi i Rindërtimit, Kryeministri Edi Rama sqaron se listat e përfituesve do të miratohen në Këshillat Bashkiakë.
RAPORT I PËRMBLEDHUR
për këdo ndër ju që ka interes të informohet mbi ecurinë e Programit të Rindërtimit
• Janë shpallur deri tani, me Vendim të Këshillit të Ministrave 18 ZONA TË REJA ZHVILLIMI, në 7 bashki:
• Kurbin: 2 zona
• Kruje: 3 zona
• Tirane: 9 zona
• Vore: 1 zonë
• Shijak: 1 zonë
• Durrës: 1 zonë
• Kavajë: 1 zonë
Studimi për shpalljen e të gjitha zonave të nevojshme vazhdon.
ZONAT E TJERA PËR ZHVILLIM gati për miratim janë:
1. Krujë (Qytet dhe fshat)
2. Kamza (Qytet)
3. Lezha (Qytet)
4. Durrësi (Qytet)
5. Kavajë ( Golem)
6. Shijak (Rurale)
7. Kurbin (Fshat)
• PROCESI I SHPRONËSIMEVE pjesore në ZONAT E MIRATUARA PËR ZHVILLIM
Ka nisur procesi i shpronësimit për zonën e re për zhvillim, Zona 1/1 Laç, Bashkia Kurbin dhe është ngritur Komisioni i Posaçëm sipas kërkesës së ligjit.
Po përfundojnë procedurat ligjore për shpronësimet e nevojshme brenda perimetrit të 18 zonave zhvillimore.
• PLANET E DETYRUARA VENDORE (PDV)
Agjencia Kombëtare e Planifikimit të Territorit drejton, në bazë të kërkesës së ligjit, procesin për evidentimin e kompanive të kualifikueshme për hartimin e planeve – lista paraprake.
Për 3 zonat e shpallura zyrtarisht (zons 1/1 Lac, Zona 1 Thumanë dhe zona 1 Shijak), AKPT ka përfunduar procedurën e përzgjedhjes së 3 kompanive dhe është nënshkruar kontrata. Pritet dorezimi i PDV-ve përkatëse si më poshtë:
1. Lac, zona 1/1: 24 shkurt
2. Thumana, zona 1: 25 shkurt
3. Shijak, zona 1: 25 shkurt
Lidhur me 6 zonat e tjera, shpallur në datë 29.01.2020 dorëzimi i PDV-ve pritet ne 13 mars.
• MODELET E SHTËPIVE për zonën fshat
Enti Kombëtar i Banesave ka hapur garën për modelet e njësive individuale të banimit. Është firmosur kontrata për hartimin e modeleve dhe në 6 shkurt pritet dorëzimi i tyre. Më pas njësitë zbatuese do të nisin procesin ligjor të zbatimit, nga prokurimi deri tek ndërtimi i shtëpive.
• PROCESI I VLERËSIMI TË THELLUAR
Ky proces që po zhvillohet intensivisht, pikë për pikë sipas ligjit është vendimtar për fatin e godinave të pabanueshme. Vetëm pas këtij procesi vendoset në bazë të vlerësimit të ekspertëve, nëse godina duhet shembur.
• PLATFORMA E APLIKIMIT ONLINE
Kjo platformë siguron verifikimin e çdo rasti në nevojë dhe i jep çdo qytetari mundësinë të hyjë në listën e përfituesve, duke eliminuar kështu çdo boshllëk apo “harresë” që mund të ndodhë si rezultat i pasaktësive në verifikimet e banesave.
Të gjithë qytetarët e interesuar duhet të drejtohet tek njësia përkatëse administrative
Deri ditën e premte datë 31 Janar janë hapur 75 zyra dhe janë 130 punonjës në dispozicion të qytetarëve. Aplikimet e qytetarëve kanē nisur.
Pas saktësimit të listës përfundimtare të subjekteve që do të përfitojnë nga Programi i Rindërtimit, listat e përfituesve do të miratohen në Këshillat Bashkiakë.
*Sqarim: Ky raport nuk është përfundimtar dhe për të shmangur çdo keqkuptim, informojmë se zonat e papërfshira në të janë ende në fazën e përgatitjes për miratim. Pra askush dhe asnjë zonë e prekur nuk do mbetet jashtë Programit të Rindërtimit
