Vjosa Osmani: Partneriteti me SHBA, ekzistencial për Kosovën!

Kryetarja e Parlamentit të Kosovës, Vjosa Osmani, takimin e parë zyrtar e zhvilloi sot me Ambasadorin e Shteteve të Bashkuara në Kosovë, Philip S. Kosnett.

Në takim me ambasadorin amerikan u diskutuan prioritetet e Parlamentit, rritjen e efikasitetit dhe mbikëqyrjes së Parlamentit në raport me Qeverinë, avansimin e diplomacisë parlamentare, bashkëpunimin me opozitën si dhe me të gjithë akterët e tjerë relevant.

Ambasadori i SHBA, Philip Kosnett e uroi Kryetaren e Parlamentit, Vjosa Osmani për detyrën e re, duke ofruar përkrahje dhe bashkëpunim. Nga ana e saj Kryetarja Osmani e vlerësoi si ekzistencial bashkëpunimin dhe partneritetin me Shtetet e Bashkuara duke u zotuar që ky bashkëpunim të thellohet edhe më tej në të ardhmen.