Reshjet e borës sipas parashikemeve, por problemet në qarkullim nuk mungojnë!

Ndonëse mëngjesi i së mërkurës ka gdhirë sipas parashikimeve të sinpotikanëve me reshje bore, problemet me qarkullimin e automjeteve nuk munguan.

Autoriteti Rrugor Shqiptar, ARRSH, duke dhënë informacionet e para lidhur me gjendjen në akstet kombëtare tërheq vëmendjen e drejtuesve të mjeteve për më shumë kujdes dhe për ato segmente ku rekomandohet përdorimi i zinxhirëve.

Informacion mbi gjendjen e akseve kombëtare

Rajoni Verior

Në rajonin verior gjatë natës ka pasur reshje shiu dhe dëbore.
Qarkullimi në të gjitha segmentet e këtij qarku kryhet pa zinxhirë.
Në segmentin Kuben-Vasie, Qafë e Buallit-Krastë, Ura e Cerenecit-Qafë Dragalicë qarkullimi kryhet pa zinxhirë. Rekomandohet përdorimi i tyre në segmente të vogla, si pasojë e borës që sjell era në rrugë kontraktorët e mirëmbajtjes janë në terren për të bërë të mundur pastrimin e të gjitha akseve.

Rajoni Qendror

Në rajonin Qendror nuk ka probleme në qarkullim e mjeteve.
Rekomandohet përdorimi i zinxhirëve në segmentin Lunik-Steblevë, kontraktorët e mirëmbajtjes po punoj për pastrimin e plotë të të gjithë segmenteve të këtij Rajoni.

Rajoni Jugor

Reshjet e borës në Qarkun e Korces kanë filluar në orën 4 të mëngjesit. Trashësia arrin deri në 15. Në segmentin Boboshticë-Dardhë reshjet vazhdojnë. Kalimi nga km 5 deri në 14 rekomandohet me zinxhirë për makinat e vogla.

Në segmentet e tjera nuk ka probleme në qarkullim,

Të gjithë kontraktorët janë në terren me mjete e punëtorë për pastrimin e akseve rrugore dhe monitorimin e situatës rast të përkeqësimit të motit.

Drejtuesit e mjeteve të tregohen të kujdesshëm gjatë qarkullimit, sidomos gjatë orëve të para të mëngjesit dhe përgjatë natës, të reduktojnë shpejtësinë, të pajisen me goma dimërore dhe zinxhir, të respektojnë sinjalistikën dhe udhëzimet e Policisë Rrugore.

 

Ndërkohë edhe në Kosovë vijojnë reshjet e borës dhe të shiut. Meteorologët parashikojnë mot të vranët dhe me reshje shiu dhe bore.

Temperaturat minimale do të lëvizin ndërmjet 0 deri -5 gradë celsius, ndërsa maksimalet e ditës parashihen të lëvizin ndërmjet 2-3 gradë celsius.

Era do të fryjë e fortë nga drejtimi i veriperëndimit me shpejtësi 6-22 m/s.