Aksident i rëndë/ Makina përfundon në lumin Gjanica, identifikohet viktima

Një aksident i rëndë ka ndodhur në aksin Fier-Ballsh ku ka mbetur i vdekur një 35 vjeçar.  Aksidenti ndodhi kur makina tip “Ford” ka dalë nga rruga dhe ka rënë nga një lartësi prej 60 metrave duke përfunduar në lumin Gjanica.

Rënia nga lartësia e madhe ka shkaktuar dhe vdekjen e shoferit, Gramoz Isufaj, 35 vjeç. Ndërkohë automjeti i aksidentuar ishte i regjistruar në emrin e shtetasit Ligor Beharit.

Në vend kanë mbërritur forcat e policisë.

Informacion paraprak

Sot rreth orës 10:45, në aksin rrugor Mallakastër-Fier, në vendin e quajtur “Kthesa e Visokës” është konstatuar një mjet tip “Ford Fiesta” i cili ka dalë nga rruga dhe ka rënë në lumë.

Është nxjerë nga uji pa shënja jetë drejtuesi i mjetit, shtetasi G. I, 35 vjeç, banues në Mallakastër.

Grupi hetimor ndodhet në vendngjarje dhe po punojnë për zbardhjen e plotë të kësaj ngjarje.