Prezantohet metodologjia e re e zgjerimit, Varhelyi: Ja hapat konkret…

Komisioneri europian i zgjerimit, Olivér Várhelyi, ashtu siç ishte paralajmëruar prezantoi në Bruksel propozimin për të çuar përpara procesin e zgjerimit të BE-së me metologjinë e re.

Komisioneri Várhelyi e bëri të qartë se zgjerimi i BE-së me vendet e Ballkanit Perëndimor është prioritet i Komisionit Europain ndërsa sqaroi tre drejtimet që po ndjekë KE në rrugën drejtë zgjerimit:

“Ne jemi duke punuar në tre pista: Së pari, ne jemi duke propozuar hapat konkretë sesi mund të përmirësohet procesi i pranimit. Po ndërsa po hidhen hapa drejt forcimit dhe përmirësimit të procesit, qëllimi kryesor mbetet anëtarësimi i plotë në BE. Së dyti, dhe paralelisht, Komisioni i qëndron deri në fund rekomandimeve të tij për çeljen e negocjatave të pranimit të Maqedonisë së Veriut dhe Shqipërinë dhe shumë shpejt, do të sigurojë një përditësim mbi përparimin e bërë prej të dy këtyre vendeve. Së treti, në përgatitjen e Samitit BE-Ballkan Perëndimor në Zagreb në maj, Komisioni do të paraqesë një plan zhvillimi ekonomik dhe investimesh për rajonin ”, tha Komisioneri Várhelyi ndërsa nga ana tjetër Presidentja e KE, Ursula von der Leyen, reagoi menjëherë përmes rrjetit social Twitter duke e veçuar këtë si një mesazh të mirë për miqtë e Ballkanit Perëndimor.

“Sot Komisioni Europian propozoi një plan të besueshëm dhe dinamik që i çel rrugës hapjes së negociatave të anëtarësimit me Maqedoninë e Veriut dhe Shqipërinë. Zgjerimi i BE-së është një situatë nga e cila fitojnë të gjithë”, ka shkruar shefja e KE-se. Propozimi i komisionit, siç u tha dhe në Bruksel, merr parasysh qëndrimet e shteteve anëtare dhe “interesat gjeostrategjike të BE”, por edhe interesat e vendeve që duan të hynë në bllokun europian.

Komisioneri Varhelyi sqaroi se metodologjia e re do të bazohet në katër parime: kredibiliteti, parashikueshmëria, dinamika dhe forcimi i udhëheqjes politike. Fokusi i saj përqëndrohet tek forcimi i shtetit juridik, forcimi i institucioneve demokratike dhe zhvillimi ekonomik. Në Bruksel shpresohet, se në samitin e majit në Zagreb do të hapen negociatat edhe me Shqipërinë dhe Maqedoninë e Veriut dhe se kjo do të rezultojë me një hov të ri për zgjerimin e BE.

Një proces më i besueshëm

Procesi i pranimit duhet të bazohet në besim, besim të ndërsjellë dhe angazhime të qarta nga Bashkimi Evropian dhe Ballkani Perëndimor. Besueshmëria duhet të forcohet përmes një përqendrimi edhe më të fortë në reformat themelore, duke filluar nga sundimi i ligjit, funksionimi i institucioneve demokratike dhe administratës publike, si dhe ekonomia e vendeve kandidate. Kur vendet partnere të plotësojnë kriteret objektive, shtetet anëtare duhet të bien dakord të shkojnë përpara në fazën tjetër të procesit, duke respektuar qasjen e bazuar në meritë.

Një drejtues më i fortë politik

Natyra politike e procesit të pranimit kërkon një udhëheqje më të fortë politike dhe angazhim në nivelet më të larta. Komisioni propozon të rrisë mundësinë e dialogut politik të nivelit të lartë, përmes takimeve të rregullta BE-Ballkan Perëndimor dhe kontakteve të intensifikuara ministrore. Për më tepër, shtetet anëtare duhet të përfshihen në mënyrë më sistematike në monitorimin dhe rishikimin e procesit. Të gjitha organet nën Marrëveshjen e Stabilizim Asociimit do të përqendrohen shumë më tepër në çështjet kryesore politike dhe reformat, ndërsa Konferencat Ndërqeveritare do të sigurojnë një udhëheqje më të fortë politike për negociatat.

Një proces më dinamik 

Për të injektuar dinamizëm të mëtejshëm në procesin e bisedimeve, Komisioni propozon të gruponi kapitujt e negociatave në gjashtë grupime tematike: bazat; tregu i brendshëm; konkurrueshmëria dhe rritja gjithëpërfshirëse; axhenda e gjelbër dhe lidhja e qëndrueshme; burimet, bujqësia dhe kohezioni; marrëdhëniet e jashtme. Një proces më i parashikueshëm: Komisioni do të sigurojë qartësi më të madhe në lidhje me atë që pret BE-ja nga vendet e zgjerimit në fazat e ndryshme të procesit.