Raporti i S&P/ Korrupsioni i Edi Ramës me PPP, Basha: Qeveria po shkatërron ekonominë e shqiptarëve!
Pas publikimit të Raportit të Agjencisë ndërkombëtare të vlerësimit Standard & Poor’s, S&P, ku evidentohen rreziqet që mund të vijnë nga aktivizimi i Korporatës së Investimeve dhe PPP, reagon Kryetari i Partisë Demokratike, Lulzim Basha, duke theksuar se korrupsioni i qeverisë me PPP po shkatërron stabilitetin fiskal dhe ekonominë e shqiptarëve
“Qeveria rrezikon borxhin publik me krijimin e Korporatës së Investimeve Strategjike. Për këtë arsye S&P paralajmëron ulje të renditjes për vendin tonë,” thekson Lulzim Basha në reagimin e tij përmes rrjetit social Twitter duke dhënë alarmin edhe për konstatimin e “Standard & Poor’s” për masa shkatërrueset për stabilitetin fiskal afatmesëm dhe afatgjatë me aktivizimin e një pakete projektesh PPP:
“Sipas S&P korrupsioni i qeverisë me PPP po shkatërron stabilitetin fiskal dhe ekonominë e shqiptarëve.”
Ndryshe, Agjencia e Vlerësimit të Standard & Poor’s, S&P, ka lajmëruar se do të ulë renditjen për borxhin publik të Shqipërisë nga stabël që u vlerësua aktualisht për shkak të materializimit të rreziqeve që mund të vijnë nga aktivizimi i Korporatës së investimeve dhe PPP, të cilat mund të krijojnë detyrim jashtë bilancit fiskal.
S&P vë në dukje se qeveria shqiptare duke krijuar Korporatën e investimeve Strategjike, e cila synon devijimin e një pjesë të shpenzimeve kapitale jashtë administrimit të buxhetit dhe ministrisë së Financave krijon një buxhet dytësor që bëhet shkak për detyrime të reja që rrezikojnë borxhin publik.
Sipas Agjencisë ndërkombëtare të Vlerësimit duket se qeveria shqiptare ka marrë masa shkatërruese për stabilitetin fiskal afatmesëm dhe afatgjatë. Përderisa ka aktivizuar një paketë projektesh PPP që janë kërcënim për borxhin publik.
“Risku kontingjent fiskal mbetet i lartë s i pasojë e PPP-ve. Ndonëse qeveria ka vendosur si tavan për pagesat e PPP-ve normën 5% të ardhurave tatimore vjetore ne mendojmë se kjo nuk do të zbatohet nga qeveria, pasi nuk ka asnjë mbikëqyrës për zbatimin e këtij përcaktimi”, thuhet në raportin përmbledhës të vlerësimit për Shqipërinë.
