Daniel Serwer: Pak shtete kanë arritur më shumë se Kosova, për 12 vite ekzistencë

Profesori i Universitetit “Johns Hopkins”, Daniel Serwer, tha se pak shtete kanë arritur më shumë se sa Kosova për 12 vite ekzistencë.

Analisti amerikan duke folur për VOA në gjuhën serbe në 12-vjetorin e pavarësisë renditi arritjet e shtetit të Kosovës ndërsa shtoi se për asnjë shtet nuk mund të thuhet se është plotësisht stabël.

“Qeveria është formuar në bazë të rezultateve të zgjedhjeve të lira. Mediat në Kosovë në përgjithësi janë të lira. Gjykata Kushtetuese pandërprerë po demonstron pavarësi ndaj institucioneve qeveritare. Sektori publik është i zhvilluar, përfshirë edhe opozitën. Është regjistruar ngritje në sektorin ekonomik, megjithëse duhet pasur parasysh zhvillimin e ngadalshëm në hapësirën e Bashkimit Evropian,” vlerësoi eksperti amerikan për Ballkanin ndërsa njëri prej problemeve më të mëdha të Kosovës, me të cilin po përballen edhe shtetet tjera të Ballkanit Perëndimor, sipas Daniel Serwer, është korruosioni.