Karantinë në Kavajë/ Papërgjegjshmëri, Bardhi: Le ta ndërtojë në Surrel!
Pasi kanē filluar sot përgatitjet, me urdhër të Ministres së Shëndetësisë, për ta kthyer repartin e patologjisë dhe urgjencës në Spitalin e Kavajës, në Karantinë për të prekurit nga Koronavirusi, ka reaguar Partia Demokratike pērmes Sekretarit të Përgjithshëm, Gazment Bardhi, duke e konsideruar papërgjegjshmëri ndërsa i sugjeron që karantinën ta ndërtojë në shtëpinë e tij në Surrel.
“Zgjedhja e një spitali të një qendre të banuar për Karantinë është kërcënim serioz për jetën e të gjithë banorëve,” shprehet Gazment Bardhi përmes rrjetit social Facebook duke e vlerësuar një provokim të rëndë për Kavajën!
“I bëj thirrje të gjithë bashkëqytetarëve të mi të mos e pranojnë trajtimin nga Edi Rama si banorë të parëndësishëm, jeta e të cilëve nuk ka rëndësi për Kryeministrin,” shprehet Sekretari i Përgjithshëm i Partisë Demokratike, Gazment Bardhi, duke përfunduar:
Karantinën ta ndërtojë në shtëpinë e tij në Surrel, jo në Kavajë!
