“Puna” e rilindjes në Shëndetësi, Dr.Bardh Spahia: Fajësimi i paraardhësve!
Sot kur koronavirusi është pranë portës së Shqipërisë, në Itali numri i të prekurëve si dhe viktimat po shtohen dita-ditës ndërkohë kemi dhe viktimën e parë edhe në Greqi, e personeli mjekësor vazhdon dhe braktis këtë sistem tashmë të kalbur, Ministrja e Shëndetësisë, Ogerta Manastirliu ndërsa mburret për masat që ka ndërmarrë shteti shqiptar, vazhdon akuzon qeverinë demokratike edhe pse ka hyrë në vitin e tetë që është në pushtet. Pas këtyre akuzave, ka reaguar Partia Demokratike përmes Ish-Deputetit Bardh Spahia, duke theksuar se sipas ministres Manastirliu, rilindja e paskërka nisur nga minusi punën në shëndetësi!
“E thotë pa iu dridhur qerpiku! As skuqet e as zverdhet, edhe kur thotë se eksodi i mjekëve paskërka si shkak mungesën e specializimeve në qeverisjen e PD! Po mirë, meqë e paskeni gjetur këtë situatë, a mund të thoni se çfarë keni bërë ju në këto 7 vite? Pse hemoragjia sa vjen e thellohet? Pse nuk i kuptokan mjekët e infermierët reformat “madhështore” të Rilindjes, por kërkokan mundësi në vende të tjera?” thekson Bardh Spahia duke shtuar se kush është ai që i ka kushtet këtu, e ikën duke lënë pas familje, shokë e miq, për të nisur gjithcka nga fillimi në vend të huaj?
“Apo ju nuk mendoni dot kaq thellë, se të menduarit nuk është detyra juaj?”
Duke ju drejtuar personalist ministres Manastirliu, si një minus shumë i madh për sistemin shëndetësor, vlerërsim ky që vjen pikërisht mjekët që përballen ditë pas dite me politikat dritëshkurtra të Ogerta Manastirliut, ku fasada është A-ja dhe ZH-ja, e aspak shërbimi shëndetësor, Ish-Deputeti i Partisë Demokratike, Bardh Spahia, përfundon:
“Janë ata që po i dekurajoni me politikat e PPP-ve, duke u urdhëruar racionimin e shërbimeve, duke i përballur me mungesa që i venë në vështirësi përballë pacientëve e duke mos i dëgjuar! Ky stili militant i fajësimit të paraardhësve në fund të mandatit të dytë, në fakt dëshmon pikërisht mungesën e punës, të cilën, nëse do e kishit bërë, do ishit duke e treguar në këto 7 vjet!”
