Protesta e Ilir Metës, angazhimi i Bashës: Duhet t’i përgjigjemi çdo thirrje…

Ndërsa po afrohet 2 Marsi dhe Ilir Meta nuk fle as gjumë nga meraku se a do ti përgjigjet populli idesë së tij të çmendur për të protestuar kundër Kryeministrit Edi Rama, të cilin e solli në pushtet pa e pyetur këtë popull, në ndihmë i vjen kryetari i Partisë Demokratike, Lulzim Basha, duke i bërë thirrje strukturave të partisë t’i përgjigjen çdo thirrje në mbrojtje të Kushtetutës dhe funksionimin demokratik të institucioneve të pavarura.

“Si qytetarë që duam që vendi të bëjë hapa para drejt konsolidimit të demokracisë, duhet t’i përgjigjemi çdo thirrje në mbrojtje të Kushtetutës dhe funksionimin demokratik të institucioneve të pavarura. Prandaj unë e mbështes tubimin e thirrur nga Presidenti për Kushtetutën!”.

Urojmë që një thirrje “në mbrojtje të Kushtetutës dhe funksionimit demokratik të institucioneve të pavarura” të mos e bëjë edhe Presidenti i Serbisë, Aleksandar Vuçiç, duke organizuar një tubim në Tiranë si qokë për “vëllain” e tij Edi Rama, dhe ky urdhër për strukturat e PD të ngelet në fuqi!

Mesazhi

Të nderuar Kryetarë, Më poshtë mesazhi i Kryetarit Basha për tubimin e organizuar nga Presidenti i Republikës më datën 2 Mars 2020, ora 17:00, ne Bulevardin “Dëshmorët e Kombit”:

“Si qytetarë që duam që vendi të bëjë hapa para drejt konsolidimit të demokracisë, duhet t’i përgjigjemi çdo thirrje në mbrojtje të Kushtetutës dhe funksionimin demokratik të institucioneve të pavarura.

Prandaj unë e mbështes tubimin e thirrur nga Presidenti për Kushtetutën!”.

Dy porosi:

1. Ky mesazh të shpërndahet tek të gjitha strukturat e partisë.

2. Mbi këtë çështje do të keni gjatë ditës bisedë telefonike me Sekretarin e Përgjithshëm, për masat organizative. Ju përshëndes!