Aksident i rëndë në Prrenjas, 4 vjeçari në luftë për jetën

Një aksident i rëndë ka ndodhur mbrëmjen e sotme në Prrenjas, ku si pasojë ka mbetur i plagosur një fëmijë 4 vjeç.

Dyshohet se fëmija i ka ndërprerë rrugën makinës duke kaluar nga njëri krah në tjetrin dhe për pasojë është përplasur.

Aksidenti ndodhur rreth orës 21:00, në rrugën e fshatit Kotodesh, Prrenjas, ku shtetasi me iniciale F.K., 26 vjeç, banues në Katjel, duke drejtuar automjetin tip “Ford” me targa AA 470JJ, ka aksidentuar fëmijën me iniciale A. S., 4 vjeç.

Menjëherë fëmija është transportuar për në Spitalin Rajonal të Elbasanit, dhe ndodhet në gjendje të rëndë shëndetësore.

Ndërkohë drejtuesi i mjetit është shoqëruar në Komisariatin e Policisë për veprime të mëtejshme procedurale. Grupi hetimor ndodhet në vendngjarje dhe po punon për zbardhjen e plotë të shkakut të aksidentit.