“Ikja e njerëzve”/ Rama: S’ka lidhje me qeverisjen; PD: Kush është i poshtri!

“Kush thotë se ikja e njerëzve nga Shqipëria për shkak të qeverisjes, ose nuk kupton asgjë ose është i poshtër” është një refren që vazhdon dhe përsëritet nga Kryeministri Edi Rama ndërkohë sot Partia Demokratike duke sjellë në vëmendje të publikut të dhënat nga raportet ndërkombëtare pyet se kush është i poshtri këtu:

“Në 2 mandatet e Edi Ramës kryeministër më shumë se 300 mijë shqiptarë u larguan nga vendi. Me korrupsion, krim, arbitraritet, papunësi dhe injorancë, Edi Rama e barazoi Shqipërinë me vendet që janë në luftë për nga numri i lartë i shqiptarëve azilkërkues në Bashkimin Europian,” thekson në reagimin e saj përmes rrjetit social Facebook duke përfunduar:

“Poshtërsi është të mohosh këtë të vërtetë, duke bërë me faj herë Bashkimin Europian, herë shqiptarët që ikin se nuk pajtohen me qeverisjen e keqe të Edi Ramës. Kjo do të marrë fund me votë të lirë! Për Edi Ramën nuk do të ketë më një mandat të tretë! Për Shqipërinë nuk do të ketë më eksod!”