Në Parlament, Edi Rama flet për tri çështje pa lidhje me realitetin

Sot Kryeministri Edi Rama kishte përzgjedhur të diskutoj për 3 çështje në Parlament , por nga ato që tha për Koronavirusin dhe infodeminë, vendet e reja të punës për Rindërtim dhe Planin e ri ekonomik me Amnistinë e Përgjithshme Fiskale e Penale, asgjë nga sa u ttha nuk kishte me realitetin

Sot Koronavirusi dhe Infodemia janë shqetësim global ndërsa jo edhe për Kryeministrin Edi Rama për të cilin gjiçka është panik:

“Tre çështje dëshiroj sot të ndaj me Kuvendin dhe përmes Kuvendit me qytetarët. Theksoj domosdoshmërinë që qytetarët të mos i referohen burimeve jozyrtare për koronavirusin dhe të mbrohen nga infodemia, që siç e cilëson edhe OBSH përbën një kërcënim serioz në gjithë përpjekjen për të luftuar epideminë. Qytetarët duhet të ruhen dhe të mbrohen vetë me vetëdijen se të gjitha këto burime të infordemisë shkaktojnë alarme të pakëshillueshme në kushtet kur duhet përballuar sëmundja. Së dyti, e dhëna zyrtare për vdekshmërinë ka rënë nga 3 në 2.3, pra e gjithë pjesa tjetër 97.7% e ka përballuar dhe e përballon pa pasoja këtë epidemi. Nëse shohim efektet e infodemisë, fjala vdekje dhe lajmet me të vdekur janë më të shumta se fjala shërim dhe lajmet me të shëruar,” tha Kryeministri i cili qytetarët që i qeveris i këshillon të mos blejnë maska.

“Mos rendi për të blerë maska, mos harxhoni lekë për maska, ato nuk mbrojnë nga prekja. Maskat janë të dobishme për vetë të prekurit dhe personelin mjekësor, për të tjerët nuk kanë asnjë dobi. Të jemi të qartë që gjithë histeria është harxhim i kot i parave. Nga ana tjetër në Shqipëri Ministria e Shëndetësisë ka 1 mln dollarë plus për të adresuar të gjitha problematikat, MSH ka 1,2 milionë maska të shpërndara apo marra nga shqiptarët, të cilat do mbeten si relike që kaloi ose do kalojë këej një farë epidemie, e quajtur koronavirus.”

Duke u ndalur tek situata në terren, Edi Rama tha se i janë nënshtruar analizave të nevojshme 31 persona me simptoma të ngjashme me epideminë, por që kanë rezultuar negativë.

“Ka 31 testime të kryera te persona me simptoma të dyshimta, të gjitha rastet kanë rezultuar negative, pra nuk ka asnjë të prekur. 1400 thirrje ka në ditë te nr. 127, dhe asnjë rast nuk rezulton i prekur, 16 mijë kontrolle janë ushtruar në pikat kufitare.”

Lidhur me çëshjen e dytë për vendet e reja të punës për Rindërtim, Kryeministri dialogjet me të rinjtë në kafenetë e Durrësit e zhevndosi në foltoren e parlamentit ndërsa iu kthye sërisht shkollave profesionale për të cilat flet që ga fushata e vitit 2013 kur erdhi në pushtet”

“Çështja e dytë që dua të ngre si një informim i rëndësishëm është që kemi nisur të angazhojmë një grup për të orientuar 300 nxënës të shkollave profesionale për trajnime që t’u japim mundësi që të përfshinë për rindërtim dhe përmes kësaj pune të kenë eksperiencë. Në ditët në vijim ministri i Shtetit do të publikojë një tirrje të hapur për të gjithë ata që kanë njohuri për të gjithë ata që kanë njohuri në ndërtim dhe duan punë. Një nga sfidat më të mëdha të këtij procesi është nevoja e madhe për punë, për punonjës. Ky proces do të hap shumë vende pune dhe na duhen punonjës të kualifikuar me të gjitha proceset e ndërtimit.”

Edhe sot Edi Rama tha se janë të hapur për trajnime ndërsa të sfiduar nga fakti se ka shumë ankesa që thonë: S’ka punë!

“Ata që ankohen që s’ka punë kryesisht duan punë shteti. Kemi nevojë për punë me krah, të kualifikuar. Qeveria do të imponojnë që kompanitë e ndërtimit të vendosin një pagë mesatare që është në Shqipëri, që është 420 euro. Puna në shtet është një punë që i është lënë perspektives së studentëve ekselentë, apo të atyre që vinë nga eksperienca të suksesshme të tjera. Shtigjet për të punuar në shtet falë partisë, falë krushqisë e xhepit, do të shkojnë drejt një ngushtice të plotë. Punësimet në administratë janë punësime që e kanë fokusin tek ekselentë. Së shpejti do të hapet thirrja e re. I kemi kushtet për të synuar atë.”

Në fund, premtimin nga Kongresi i Partisë Socialiste e zhvendosi në Parlament. Ndonëse e konsideron si Plan të Ri Ekonomik dhe Amnisti të Përgjithshme Fiskale e Penale, për kursimet nga puna e padeklaruar të shqiptarëve në emigracion e në Shqipëri, ajo që sot tha nga foltorja e parlamentit ishte dhe përgjigja përfundimtare pse dhe u shpik Operacioni Forca e Ligjit.

E për të dëshmuar se nuk i dallon fare deputetët e Parlamentit të Shqipëria nga ata që i rendit me dorën e tij në Kongresin e Partisë Socialiste ishte dhe përralla mbi shkërmoqjen e oligarkisë më të madhe në këtë vend, që sipas tij, është ajo e gjyqtarëve dhe prokurorëve, edhe pse shqiptarët e dinë shumë mirë se Shefqet Kastrati, Bashkim Ulaj, Samir Mane etj. si injorant që janë, kurrë nuk kanë qenë as gjyqtarë e aq më pak prokurori ama olirgarkun e bëjnë që shtatë vjet me shumë sukses.

“Ne kemi një plan të duhur ekonomik. Me anë të amnistisë për shqiptarët e ndershëm që deklarojnë pasurinë, Rama tha se bëhen hapa përpara drejt një ekonomie të shëndoshë. Vendi nuk mund të mbajë në kurriz peshën e pasurive kriminale. Ne kemi nisur një betejë, që do ta çojmë deri në fund. SPAK dhe institucionet e reja janë në drejtimin e duhur. Vendimet e para të Gjykatës Speciale janë inkurajuese. Askush nuk do të shpëtoj nga rrjeti i drejtësisë për pasurinë, që është vendosur me krim. OFL ka në tagër vetëm ata që preken nga ligji. Kursimet e ndershme të emigrantëve do hapim rrugën në futjen nëpër banke, duke i përjashtuar nga kontrolle nga regjimi i jetës të përditshme. Sigurisht që nga amnistia përjashtohen ata që kanë të ardhurat nga krimi. Amnistia e përgjithshme fiskale do të votohet këtu në parlament me 84 parlamentarë,” e bëri fakt të kryer edhe epilogun e kësaj përalle Edi Rama duke i dhënë shifrën kaluese shokut Gramoz, për ta konsideruar të miratuar.

Foli dhe për objektin e OFL, por deri më sot qytetarët nuk panë të goditet një gjyqtar ose prokuror si pjesë të oligarkisë dhe sebepi i krijimit të OFL-së:

“OFL ka objekt persona që janë dënuar për krime të caktuara që kanë të bëjnë kryesisht për krime të rënda, ndërsa merren të tjera institucione me burimin e pasurisë të politikanëve apo gjyqtarëve. Gjyqtarët e prokurorët do të përgjigjen për pasuritë kriminale. OFL është operacion policor dhe nuk ndodh në vend demokratik që të zhvillohet ndaj politikanëve ose gjyqtarëve. Për ta, ka faza dhe do japin llogari për pasurinë. OFL ndan paranë e fituar nga puna (e deklaruar ose e padeklaruar) me paranë kriminale. Këto të ardhura ka ardhur koha të formalizohen me një  komision me një taksë të favorshme, si kudo në botë. Nuk ka asnjë tolerancë nga shteti. Do të kërkohet që të gjithë shqiptarët që jetojnë jashtë vendit të deklarojnë të ardhurat që kanë nga jashtë vendit. Biznesmenët që kanë asete jashtë vendit duhet t’i deklarojnë e mos bëjnë shaka, se mund t’ju kushtojë shtrenjtë. Po shkërmoqet oligarkia e gjyqtarëve dhe prokurorëve.”