Aplikimet për azil/ Koha për të reaguar, Basha: Zbrazja e Shqipërisë, akt tradhëtie kombëtare!

Pas publikimit të dhënave të Zyrës Europiane të Azilantëve, EASO, për vitin 2019, ku në raport me popullsinë, Shqipëria ka shënuar numrin më të lartë të aplikimeve për azil duke u renditur në vendin e parë, reagon Kryetari i Partisë Demokratike, Lulzim Basha, duke theksuar se për sa kohë ky njeri drejton Shqipërinë, aq kohë shqiptarët do zbrazin vendin e të parëve.

“Keqqeverisja e këtij KM që vret shpresat e qytetarëve, është arsyeja për këtë rekord botëror të zi në emigracion,” thekson Lulzim Basha në reagimin e tij përmes rrjetit social Twitter duke përfunduar:

“Është koha për të reaguar. Zbrazja e Shqipërisë është akt tradhëtie kombëtare!”

Ndryshe, sipas të dhënave të Zyrës Europiane të Azilantëve, EASO, për vitin 2019, në raport me popullsinë, Shqipëria ka shënuar numrin më të lartë të azilkërkuesve, duke u renditur në vendin e parë me 59 aplikime për çdo 10 mijë banorë. Madje lë pas me një diferencë të konsiderueshme vende si Siria apo Afganistani.

Ja reagimi plotë:

Sa kohë ky njeri drejton Shqipërinë, aq kohë shqiptarët do zbrazin vendin e të parëve. Keqqeverisja e këtij KM që vret shpresat e qytetarëve, është arsyeja për këtë rekord botëror të zi në emigracion.

Është koha për të reaguar.

Zbrazja e Shqipërisë është akt tradhëtie kombëtare!