Video. Masat Anti-Koronavirus/ Mjekët: S’kemi doreza, alkool.. Drejtoresha: Po kemi çezmën!

Derisa Qeveria e Edi Ramës vazhdon me propagandën mbi masat e marra kundër përhapjes dhe parandalimit të koronavirusit, Ish-deputeti i Partisë Demokratike, Bardh Spahia publikoi sot debatin mes Drejtoreshës së Qendrës Shëndetësore Nr.8 në Tiranë dhe mjekëve ku shihet qartë se doreza nuk kanë sepse nuk kishin pasur ndonjëherë ndërsa në mungesë të alkoolit ajo sugjeron çezmën ku gjithashtu nuk ujë!

“Drejtoresha e QSh nr.8 Blerta Berberi provoi se është një militante partiake që, në vend të  shqetësohet për personelin mjekësor dhe qytetarët, u kërkon llogari mjekëve pse komunikojnë me opozitën për t’u thënë qytetarëve të vërtetën ” thekson Bardh Spahia në reagimin përmes rrjetit social Facebook duke e shoqëruar dhe me video:

“Kush ka mundësinë të bisedojë me një mjek, e kupton menjëherë se të ashtuquajturat masa të qeverisë kundër koronavirusit te ri janë vetëm propagandë. Më të pambrojturit janë mjekët,” konstaton Ish-Deputeti i Partisë Demokratike, Bardh Spahia, duke shtuar se deri kur ne bëmë publike të vërtetën se Qendrat Shëndetësore janë të papërgatitura, atje mungonin edhe masat më elementare ndërsa përfundon:

Video e vërteton plotësisht këtë. Për fat të keq!