Albin Kurti: Prioriteti im më i lartë, kthimi i dinjitetit të mësuesit!

Kryeministri i Kosovës, Albin Kurti, tha se nuk ka prioritet më të lartë se kthimi i dinjitetit të mësuesit. Në shënimin e ditës se 7 marsit, Ditës së Mësuesit, Kurti tha se shteti kujdeset që të krijojë kushtet dhe t’i zbatojë standardet e caktuara, ndërsa, prindërit duhet të kujdesen që edukimi dhe nxitja për lexim t’i përcjellë fëmijët edhe në shtëpi.

Duke folur në ceremoninë e SBAShK-ut për shënimin e 7 Marsit, ku sindikata ka ndarë mirënjohje për pensionistët, Kurti tha se për popullin shqiptar është dashur shumë mund e sakrificë, për hapjen e shkollave shqipe.

“Edhe sot si kryeministër nuk kam prioritet më të lartë sesa kthimin e dinjitetit të mësuesit, të arsimtarit, të mësimdhënësit, sesa kthimin e vëmendjes nga dija e nga arsimi, nga shkenca dhe kultura. Të ardhmen e fitojmë vetëm me dije dhe arsim. Për mua edukimi është takimi i parë i nxënësit me mësuesin. Fundja, femiu në shkollë e takon shtetin, dhe shteti i vjen para së gjithash si mësues,” Albin Kurti duke shtuar se shteti kujdeset të krijojë kushtet, të caktojë standardet dhe t’i zbatojë ato ndërsa mësuesit duhet të motivojnë, e prindërit të prindërojnë.

“Asnjë program qeveritar nuk mund të heq telefonat nga duart fëmijëve e t’u a bëjë atyre detyrat e shtëpisë. Është mirë që prindërit të kujdesen që edukimi dhe nxitja për lexim t’i përcjell fëmijët edhe kur ata janë në shtëpi. Në programin tonë qeveritar do t’i kushto jmë rëndësi të veçantë edukimit dhe mësuesit, së pari do të jetë rritja e cilësisë së mësimdhënies në arsim fillor dhe të mesëm e cila do të bëhet mbi parimin e meritokracisë dhe kurrikulës bazuar në kompetencë dhe zhvillim profesional të mësimdhënësve,” Kryeministtriu i Kosovës, Albin Kurti duke vlerësuar se pa reformë në arsim nuk mund të arrihet arsim cilësor, por që reforma nuk duhet të jetë kundër mësimdhënësve por për mësimdhënësit.

Ndërsa kryetari i SBAShK-ut, Rrahman Jasharaj uroj pensionistët e arsimit për këtë ditë.

“Është traditë e jona shqiptare që nikoqiri të flas por t’u jap mundësi në e fjalës mysafireve të nderuar. Andaj unë në fund te fjalës sime, të nderuar pensionistë, ju përshëndes, ju uroj jetë të gjatë të lumtur e gëzofshi pensionin e gëzofshi edhe ligjin për statutin e punëtorëve të arsimit shqiptar të Republikës së Kosovës.”

Ndryshe, në shënimin e Ditës së Mësuesit, Sindikata e Bashkuar e Arsimit, Shkencës dhe Kulturë, ka ndarë mirënjohje për pensionistët e arsimit.