Shkon në 10 numri i të prekurve me koronavirus, Ministria jep detajet…
Shkon në 10 numri i të prekurve nga koronavirusi në Shqipëri. Përveç 6 të prekurve të një dite më parë, nga 114 persona që iu janë nënshtruar analizave për COVID 19, ka edhe 4 persona të tjerë pozitiv me këtë virus.
“Janë testuar në ISHP 114 raste, vetëm 10 janë pozitiv me këtë virus. Janë 2 rastet që kanë qënë dje, janë 6 vetë kontakte të tyre dhe kemi edhe 2 raste të reja të panjohura me këta raste,” bëri të ditur Zv/ministrja e Shëndetësisë, Mira Rakacolli duke saktësuar se një i sëmurë është pas kthimit nga Milano dhe një i sëmurë në Durrës ndërsa këshilloi:
“Qytetarët duhet të vazhdojnë të zbatojnë masat që janë thënë nga ekspertët, që ne po shohin se nuk po zbatohen. Duhen evituar grumbullimet e mëdha, nuk duhet të shohim njerëz nëpër kafene, restorante, të evitojmë transportin publik, të shmangen daljet e panevojshme nga shtëpia. Nëse merren këto masa, ne i kemi masat për të përballuar kapacitetet. Sistemi është në këmbë, ju lutem qytetarëve të bashkëpunojnë.”
Ndërkohë Drejtoresha e ISHP, Albana Fico ka konfirmuar se ISHP po vijon punën në 24 orë lidhur me koronavirusin ndërsa koronavirusi, tha ajo, mund të ndalet nëse zbatohet urdhrat dhe udhëzimet nga autoritetet.
”Përsa i përket testimeve ashtu si tha dhe zv.ministrja kemi 114 të testuar në ISHP dhe dua t’ju siguroj për nivelin e kapaciteteve. Në daljet tona publike përfaqësues të institutit pyetjet e bëra nga ju i jemi përgjigjur. 200 deri në 500 kite kemi siguruar. Analizat teknike funksionojnë 24 orë. Apeloj që të zbatohen rregullat e higjienës personale, për larjen e duarve mbi 20 sekonda, përdorimi i dezinfektantëve, respektimi i higjienës respiratore.
Duhen përsëritur.
Nëse kollitemi përdorim farcoletë që e hedhim menjëherë ose gropën e bërrylit. Të krijojmë mundësinë vetes dhe që ne njohim për distancimin social. Nuk është vendi për të folur për 1.5- 1.2 m, por jemi të informuar që një nga mënyrat e përhapjes janë edhe spërklat.
Në sipërfaqet ku punojmë duhet të infektohen. Shpesh thuhet që përderisa kemi larë duart nuk ka problem. Të zbatohen urdhërat e Ministrisë dhe rekomandimet e ISHP.
T’i kursejmë vetes përhapjen e koronavirusit kur është e panevojshme dhe kur mund të ndalet. Frika është njerëzore, paniku është frikë e pakontrolluar. Nëse doni informacion i keni në faqen tonë zyrtarë,” tha doktoreshë, Albana Fico.
Drejtori i Urgjencës Kombëtarë Skënder Brataj ka bërë me dije se numri i thirrjeve për koronavirusin tashmë në 127 është rritur trefish dhe se 80% e rasteve nuk shfaqin simptoma teksa ata që kanë vetëizolohen në shtëpi.
”Është trefishuar numri i thirrjeve për koronavirusin. 80% e rasteve nuk shfaqin simptoma. Njerëzit që kanë simptoma vetëizolohen në shtëpi. Jemi në të njëjtat kushte si me gripin kur kemi pasur 400 thirrje.
E ka një shpërndarje të shpejtë, të qëndrojë çdokush në shtëpi të vet, të bëjmë atë që bëjmë bota. Ka një dy raste në ditë dhe do ikë fare.
Filloi dhe izolimi i Italisë. Nga mirëkuptimi ju them që duhet të izolohen kontaktet. Për fat të mirë janë koronavirus përhapet me spërkla dhe jo vetëm në ajër. Nuk e di edhe unë mund të jem infektuar askush nuk e di.
Sa më shpejt t’i përgjigjen apeleve tona aq më shumë në dispozicion do të jemi ne. Jo në spital. Veç faktit që do të gjejmë një radhë aty edhe mund ta marrim koronavirusin nga spitali.
Është e njëjta gjë siç na ndodh me gripin. Ndiqni me rigorozitet udhëzimet dhe Komiteti i Ekspertëve sot do të vendosë dhe për masa të tjera,” tha doktor Skënder Brataj.
