“Kjo është luftë”, Rama: Do mbyllim disko, pube dhe palestra. Do japim bonuse për stafin mjekësor në vijën e parë të frontit….

Situatën e krijuar sot kur janë konfirmuar 10 të prekur me koronavirus, Kryeministri Edi Rama e vlerësoi si një “luftë të vërtetë” ndërsa saktësoi nga mbledhja e Qeverisë se Shqipëria do marrë masa duke mbyllur dhe ambientet me shumë persona të tilla si pubet, diskot dhe palestrat.

“Të kontribojmë të gjithë në këtë luftë. Do ta trajtojmë si armik për të zvogërluar plagët dhe humbjet. Kjo është luftë, pasi në Italinë fqinje nuk ka më asnjë dyqan hapur. Jemi në kushtet ku shumëkush po luan me veten dhe tjerët. Po luan me motrën e vëllain, babanë dhe nënën. Kjo është forcë  e verbër që të këput gjunjët. Po prek gjithë botën. Do mbyllen pabe, palestra. Ne do mbyllim pube, disko, palestra dhe mjedise që mbledhin shumë njerëz. Do i mbyllim të gjitha për të vendosur shëndetin të parin. Kjo gjë duhet bërë,” tha Edi Rama ndërsa mjekët në vijën e parë të frontit tha se do të jepen bonuse 1000 euro dhe 500 euro për infermierët, sanitarët e shoferët.

“Ejani bashkë me ne, njihuni me skenarët dhe planet tona. Kjo nuk është luftë dhe asnjë luftë nuk bëhet pa bashkëpunim. Ka luftë të ndryshme, ka algoritme për të ushqyer rezistencën. Disa ekrane duan gjak, por duhet bërë kjo luftë për njerëzit e zakonshëm. Ftesa ime është që ejani ta kalojmë së bashku këtë situatë. Nuk ka nevojë për asgjë që lëndon një popull të tërë. Ftesa është shumë e sinqertë. Opozita është e ftuar dhe është tepër e sinqertë kjo ftesë. Ne kemi treguar veten më 26 nëntor kur ra tërmet dhe po e tregojmë veten prapë. Ka mjek dhe infermier të angazhuar në luftën frontale ndaj koronavirusit. Do i paguajmë 1000 euro plus në muaj deri në mbarimin e punës. Infermierët, shoferët dhe sanitarët do marrin 500 euro plus.”

Nga dita e nesërme, tha Edi Rama do i çojmë në shtëpi të gjitha të pjesë të administratës që mund të vazhdojë të punojë nëpërmjet kompjuterit.

“Ne nuk do japim më shërbime nëpër sportele, për të gjitha aplikimet online. Shërbimi ADISËS do mbyllet, të gjitha shërbimet do merren online. Do shfrytëzohet koha, shpresoj që për disa javë kurbat ë përmirësohet dhe të marrin përgjigje.

Të gjithë prindërve që kanë një fëmijë në moshën e çerdhes, kopshti dhe arsimit bazë dhe nuk janë pjesë e kësaj pjesë të administratës ne do i japim menjëherë, lejen për të shkuar ën shtëpi, për të kufizuar kontaktet më të tjerët.

Është diçka që duhet të përballemi me seriozitet dhe dinjitet. Të përballemi për familjen dhe shoqërinë. S’do lejojmë të shkojnë pranë spitaleve, jo vetëm të afërmit e të sëmurëve, por edhe ata në ditë zakonshme nisen drejtë spitalit për të parë mos kam ndonjë gjë. Është gjendje lufte.

Unë do doja ti përqafoja të gjithë, në radhë të parë ata që e kanë virusin, do doja që të isha ditë natë për ta çuar këtë mesazh, por armiku na e ka vënë këtë kufi. Nëse unë bëj trimin kthehem në vrasës, duke ardhur dhe duke përqafuar të tjerët.”