Rama sulmon opozitën, Përgjigjet Basha: Bëj detyrën dhe merr masa reale kundër epidemisë!

Pas denoncimit të kryetarit të Partisë Demokratike, Lulzim Basha mbi shpërndarjen e 1.2 milionë maskave të skaduara nga Qeveria, ka reaguar ashpër kryeministri Edi Rama, duke theksuar se në vendin tonë ka vetëm një palë maska të skaduara, ato që nuk ndalen së kërkuari pushtet me shifje. Por i menjëhershëm ishte reagimi i Bashës i cili e këshillon Ramën që në vend të sulmoj opozitën, të bëj detyrën dhe të merr masa reale kundër epidemisë, për hir të gjithë shqiptarëve.

“Në vend që të sulmojë opozitën Edi Rama duhet të japë llogari pse ka shpërndarë 1.2 milionë maska të skaduara? Gënjeshtrat dhe sulmet kundër opozitës nuk i shërbejnë as sigurisë dhe as jetës së shqiptarëve! Janë mijëra burra, gra dhe femijë që duhen mbrojtur.”

Duke i qëndruar deononcimit për 1.2 milionë maska të skaduara, Lulzim Basha përfundon:

“Boll me justifikime që fshehin dështimin, boll me gënjeshtra që fshehin paaftësinë, bëj detyrën dhe merr masa reale kundër epidemisë, për hir të gjithë shqiptarëve.”

Pas denoncimit të Kryetarit të PD, Lulzim Basha, për shpërndarjen e 1.2 milionë maskave të skaduara që në dhjetorin e vitit 2011, ka reaguar ashpër Kryeministri Edi Rama përmes rrjetit social Twitter:

“Ka vetëm një palë maska të dëmshme në Shqipëri: Maskat e atyre që dhe kur ky vend lufton me jetën nën gërmadhat e tërmetit apo me një virus kërcënues për planetin, s’ndalen së kërkuari pushtet me shpifje, sherr, rrëmujë! Po përsëri Shqipëria do t’ia dalë sepse shqiptarët s’janë vetëm!”

Por Edi Rama nuk u mjaftua me kaq! Gjatë mbledhjes së Qeverisë tha se opozita nuk po ndihmon në këtë situatë kritike ku ndodhet vendi, por po mundohet të minojë punën e institucioneve për përballimin e koronavirusit.