S’kemi parë gjë akoma/ Koronavirusi, Rama: Dy javët e ardhshme do na tregojnë shkallën e agresivitetit!

S’kemi parë gjë akoma. Kështu shprehet Kryeministri Edi Rama i cili duke paralajmëruar kufizimin e lëvizjes që bëri në Tiranë-Durrës do ta aplikojë në gjithë akset kryesore në vend, dy javët e ardhshme, thotë ai, do na tregojnë shkallën e agresivitetit të koronavirusit.

”S’kemi asnjë rrugë tjetër. Ta marrim me qetësi. Të stërvitemi për një luftë që nuk do jetë e shkurtër me zakonet e jetës së përditshme.

S’kemi parë gjë akoma. Kini parasysh se dy javët e ardhshme do na tregojnë shkallën e agresivitetit. Rritja e numrave do vijojë, nuk kemi përgjigje sa lart do shkojë kurba.

Ç’ka po i bëjmë është e vetmja rrugë. Ndjesë nëse atyre që kanë qenë të vëmendshëm do i tingullojë si përsëritje informacioni por të tjerë duhet t’i ngulisin mirë.”

Shumëkush vijojnë t’i bien 127 dhe kërkon të bëjë testin se ka ardhur nga Italia apo ka takuar dikë që ka ardhur nga Italia. Ky nuk është një kriter për t’u shqetësuar, thekson Edi Rama sepse sipas tij, 80% s’kanë për ta marrë vesh kurrë nëse e kanë marrë apo jo koronën. Sikush të sillet sikur e ka marrë koronën pavarësisht se mund të sillet mirë.

“S’mjaftojnë disa shenja gripi për të bërë testin. Shpallja e pandemisë nga OBSH përcakton edhe kriteret bazë të marrjes së testit që lidhen me një gjendje më të vështirë se simptoma e gripit.

Shumëkush shqetësohet se deri kur do vazhdojëm t’i nënshtrohemi masave, sidomos ata me makina. Këtë nuk e dimë, askush në botë nuk e di. Ajo që dimë është që sa më shumë të shtrëngohemi sot kemi bërë punën ndaj këtij armiku,” tha Kryeministri duke shtuar se 80% e atyre që kanë simptoma e kalojnë me sukses sfidën. Duke bërë ato që bëjmë kur jemi me grip.

Vendosëm të ndërpresim lëvizjet me Greqinë fqinje. Për momentin autovetura do të vijojnë normalisht ndërsa transporti i mallrave s’do të ketë asnjëherë ndërprerje, tha Kryeministri Edi Rama i bindur se është bërë në kohën e duhur:

“U informuam sot se Maqedonia e ka ndaluar hyrje- daljen me Bllatën. Turqia deklaroi mbylljen e portës për fluturime nga Europa. Ky është një tjetër shembull se pse ne bëmë në kohën e duhur gjënë e duhur. Turqia nuke mbylli portën para se të shfaqej koronavirusi.”

Në fund, Kryeministri Edi Rama ka paralajmëruar se 4 akse nacionale, Fier- Vlorë, Vlorë- Lushnje, Shkodër- Lezhë dhe Elbasan- Korçë nuk do të ketë qarkullim të autobusave dhe automjeteve private.

“Kudo do të mbyllen po njësoj të gjitha lokalet dhe mjediset e mbyllura sipas kategorive në Tiranë dhe Durrës. Nga dita e dielë do të ndalohen jo vetëm qarkullimi brenda por edhe nacionale Fier- Vlore, Vlorë- Lushnje, Shkodër- Lezhë.
Do të ndalohet edhe qarkullimi i Elbasanit Korçën. Nëse do të këputen lidhjet me autobuzët apo automjetet private, do të qarkullojnë vetëm automjetet që hyjnë në kategoritë e lejuara si në Tiranë- Durrës.

Autobuzë të akredituar nga Policia e Shtetit, mjetet e punonjësve të tyre, po ashtu ata të administratës dhe s’mund të kryejnë punën nga interneti të pajisen me kartelën identifikuese që të qarkullojnë me automjet privat.

Kemi punuar gjatë pasdites për aktin normativ të sanksioneve për të gjitha veprimtaritë e ndaluara, njëmijë herë ndjesë por po ju informoj se sanksionet do të jenë të ashpra dhe për mjediset me ajër të kondicionuar dhe që mbledhin për spektakle të formateve të shumta janë aleat i armikut të padukshëm.

Të evitojnë ajrin e kondicionuar sepse ndihmon përhapjen e virusit. Hapja e dritareve sa më shumë gjatë ditës ndihmon në mbrojtjen prej tij,” thekson Kryeministri Edi Rama duke përfunduar:

“Asgjë tjetër s’bëjmë sot dhe s’na falet të bëjmë në këtë të keqe të madhe që na zuri. Le të nxjerrim më të mirën nga vetja për të ndihmuar njëri- tjetrin. Le të gjejmë të mirat jo të vogla brenda kësaj të keqeje të mëdha.”