Edhe 1 rast, MSH: 16 të prekur me koronavirus në Kosovë

Sot në Kosovë është konfirmuar edhe një rast me koronavirus, duke e çuar në 16 numrin e të prekurve. Ministria e Shëndetësisë ka sqaruar se 10 pacientë të prekur me koronavirus janë duke u trajtuar në Klinikën Infektive të Qendrës Klinikë Universitare të Kosovës, ndërsa gjashtë të tjerë janë duke u trajtuar në shtëpi.

Infektologia Valbon Krasniqi tha për RFE se sot gjatë ditës pritet që së paku edhe dy pacientë të lirohen në shtëpi për trajtim të mëtutjeshëm, pasi gjendja e tyre shëndetësore është stabile.

“Gjashtë pacientë të prekur me COVID-19 janë nëpër shtëpitë e tyre në vetizolim. Gjendja shëndetësore e të gjithëve është e mirë. Vetëm një pacient 77-vjeçar aktualisht është nën kontroll më të rreptë dhe ka nevojë për oksigjen, por gjendja e tij është stabile,” tha Krasniqi.