Në ditën e 24-të edhe 6 raste, gjithsej 105 raste në Kroaci

Edhe 6 raste janë shënuar për 24 orë duke e çuar në 105 numrin e të prekur me koronavirus në Kroaci, tha Ministri i Shëndetësisë, Vili Berosh me rastin e raportimit ditor të Shtabit Kombëtar të Mbrojtjes Civile.

“Në Kroaci, në ditën e 24 prej se u zbulua rasti i parë me koronavirus, sot kemi 105 raste pozitive. Në të njejtën periudhë, në Itali për 24 ditë numri është rritur për 27.747, që tregon se masat tona që janë rekomanduar ishin të drejta dhe kanë rezultate të caktuara,” tha Berosh.

Ministri kroat i Punëve të Brendshme, Davor Bozhinoviç tha se masat që prej sot janë në fuqi, kryesisht po zbatohen mirë.

“Vendimi për procedurat kufitare, e cila gjithashtu është në fuqi nga mesnata, po respektohet. Gjatë ditës do të publikojmë udhëzimin për koridoret për transportin e mallërave tranzit nëpër Kroaci, masa që janë dakordësuar në nivel ndërkombëtar. Transporti i udhëtarëve ndalohet, me përjashtim të ndonjë rasti,” tha Ministri Bozhinoviç ndërkohë u bë e ditur se Aeroporti i Dubrovnikut është mbyllur përkohësisht pasi punonjësja e mirëmbajtjes së avionëve në këtë Aeroport rezultoi pozitive pas testimit.

“Do të shohim ditën në vijim se çfarë do të vendosim për transportin ajror. Sa i përket të tjerave, si kroçerave, ato ndalohen,” tha Bozhinoviç.