Sot festohet Sulltan Nevruzi!

Besimtarët myslimanë bektashianë sot kremtojnë ditëlindjen e të madhit Imam Aliu, të njohur si Dita e Sulltan Nevruzit.

Dita e Sulltan Nevruzit njihet si dita e fisnikërisë bektashiane dhe dita e ringjalljes së madhe. Kjo ditë nis me urimet më të mira për mbarësi, mirëqënie, paqe

Dita e Sulltan e Nevruzit shënon fillimin e vitit të ri, dhe përkon me ditëlindjen e Imam Aliut në Qabe. Në këtë ditë çdo gjë mund të ringjallet, lind shpresa, ringjallja për gjithë njerëzimin. Ajo është një ditë e re, kur të gjithë shpresojnë për një të ardhme më të mirë.

Çfarë domethënie ka festa e Sulltan Nevruzit

Para islamit, këtë festë e kanë festuar persianët. Ata kanë pasur dy stinë, verën dhe dimrin. Në 22 mars ata festonin ardhjen e verës, e cila zgjaste deri në 22 shtator. Më vonë, në botën islame në 22 mars lindi Imam Aliu, i cili është i vetmi fëmijë i lindur brenda në Qabe. Që prej asaj kohe Sulltan Nevruzi u festua nga tarikatet si ditëlindja e imam Aliut. Komuniteti bektashian ka rreth 800 vjet që e feston këtë festë në të njëjtën datë. Kjo festë simbolizon rigjallërimin e natyrës. Kafshët zgjohen nga gjumi dimëror, pemët çelin sythat dhe bimësia gjallërohet. Çdo gjë nis të marrë jetë dhe gjallëri. Emri “Nevruz” ka ardhur nga persishtja dhe domethënia e tij është “ditë e re”. Emri “Sulltan” është titulli më i lartë që mund të merret. Në Shqipëri kjo festë ka nisur të festohet rreth shekullit XIV, kur u përhap bektashizmi në Shqipëri.

Si festohet kjo festë

Kjo festë zgjat tri ditë. Në 22 mars ka lindur Imam Aliu dhe pas tri ditëve i është vënë emri. Besimtarët shkëmbejnë vizita tek njëri-tjetri dhe më pas luten dhe falen. Ndihmojnë njerëzit që kanë nevojë. Në mëngjes, për besimtarët dhe të gjithë të pranishmit, shpërndahet qumësht dhe sherbet, që simbolizon pastrimin e trupit dhe shpirtit. Këto dy pije konsiderohen pije parajse. Gjithmonë në orën 10:00 bëhet ceremonia. Dalin klerikët përjashta, bashkë me besimtarët këndojnë në kor këngën e Sulltan Nevruzit. Më pas, jepen bekimet nga udhëheqësi shpirtëror për jetimët, të vobektit, për të gjithë ata që gjenden në vështirësi. Jepen bekime për ushtrinë shqiptare, Presidentin, mësuesit, intelektualët etj. Ceremonia e festës vazhdon me hyrjen në tyrbe, ku bëhen lutje.

Këtë vit, për shkak të situatës së krijuar nga koronavirusi, Kryegjyshata u ka bërë apel shqiptarëve: Festoni në shtëpi dhe dëgjoni qeverinë, është vullneti i Zotit në tokë

MESAZHI I KRYEGJYSHIT BOTËROR TË BEKTASHINJVE

’Me besim dhe shpresë ta kalojmë këtë sfidë’’,

Bismilah e rrahman e rrahim

-I dashur i gjithe pipulli yne!

-Te dashur ju bashkombas kudo qe ndodheni, ne te gjithe vatrat tona Shqipare, Te dashur ju besimtare te te gjithe besimeve, ne gjithe boten!

-Keto dite po perjetojme nje nga sfidat qe ka pushtuar gjithe boten, gjithe universin . Shoqeria njerzore po perjeton nje lufte me mikrobin vdekjeprures Covid 19, nje lufte, me jeten. Cdo dite jeta po i nderpritet njerzve, si dhimbje jo vetem per familjen, te afermit e tyre per te gjithe Ne, pasi ne kuran thuhet; Se njeri te vdese, vdes e gjithe bota.

Zoti e krijoi njeriun , si krijesen me te larte , me te ndergjegjshme, me te vullnetshme per te menazhuar Universin , per te begatuar jeten ne toke.

-Zoti i dha mendje dhe gjykim njeriut , ndresa vullnetin ja la ne vete doren e tije.

-Ne kete sfide njerzore te kesaj kohe te gjykojme me mend te luftojme me vullnet , me vetedije te larte njerzore se si gjithnje , njeriu si krijese me inteligjente e natyres do ta perballoje e sfidoje ate si gjithmone me ndihmen e Allahut , me luften vetmohimin e tije te panderprere te kesaj lufte per ta sfiduar ate sic ka krijuar Allahu per ta Nenshtruar Universin , ku ka trimfuar dhe e menaxhon ate duke e kthyer cdo sfid ne sherbim te tije , te Jetes.

-Duke qene se ne medimet profetike Allahu thote ,Ruaju te ,te ruaj , le te luftojme dhe te zbatojme cdo ligj cdo urdherese te Kryeministrit Qeverise , e cila eshte shphrehje e vullnetit te zotit ne toke , qe me besim tek Zoti qe na udheheq gjithnje per te mire , ta fitojme , te mos nenshtrohemi dhe ta sfidojme dhe kete realitet te krijuar si sfide per ne!

-Lusim Zotin qe lufta, jone te me besim shprese e optimizem te triumfojme e ti kthehemi jetes sone te dashur te perditshme .

-Falenderoj nga zemra gjithe njerzit gjithe mjeket, infermieret , sanitaret, punojsit e gjthe shebimeve sociale farmaci ushimore , punojsit e policise , te mediave shtypit qe jane ne balle e pararoje te kesaj sfide qe do t’ia dalim se shpejti mbane!

-Amin!