Regjimi i ri i lëvizjes, Edi Rama: Në pazar vetëm një anëtar i familjes!

Sërish ndryshon regjimi i lëvizjes në përpjekje për parandalimin e përhapjes së COVID-19. Në pazar tashmë do të dal vetëm një anëtar i familjes, thotë kryeministri Edi Rama dhe ata që dalin duhet të aplikojnë për leje-dalje:

“Gati aplikacioni online ose me sms për leje-daljen e vetëm një personi nga familja për të bërë pazar! Nga e hëna askush nuk del dot më në pazar, pa marrë lejen digjitale me email ose telefon në emër të familjes,” sqaroi kryeminisri Edi Rama përmes rrjetit social Facebook ndërsa për këtë fundjavë ndalohet plotësisht qarkullimi:

“Njësoj si javën e shkuar, nga ora 13:00 h nesër deri të hënën 05:00 h të gjithë në shtëpi dhe të gjithë qepenat mbyllur,” tha Kryeministria Edi Rama duke shtuar se pas pak do të bëjë prezantimin e aplikacionit që është shumë i thjeshtë dhe nga e hëna e deri në mbarim të luftës, do të jetë e vetmja rrugë për të dalë nga shtëpia në Tiranë e në qendrat urbane.