Testimet sipas Edi Ramës, sërish Bashës: Unë them atë që më thonë ekspertët…

Foli për të gjithë dhe gjithçka lidhur me koronavirusin dhe masat që ka marrë dhe do të merr Qeveria, por Kryeministri Edi Rama iu kthye sërish Lulzim Bashës për ti dhënë përgjigje për testimet, duke u munduar sërisht ti mbushë mendjen se ai zbaton këshillat e ekspertëve.

”Më duhet të rikthehem tek një pikë që s’dua të kthehem, tek PD dhe opozitën. Duhet t ‘ja përsëris nuk merret kjo për të bërë opozitë të llojit që edhe ai lloj është skarco por kjo është zgjidhja juaj. Nuk është koha për opozitë. Duke bërë që PD mendon se duhen bërë teste, çfarë është PD, institut i certifikuar nga OBSH. Si mundet të sulmohen ata që punojnë me stresin më të madh, ekspertët e shkëlqyer. Jo more Lulëzim, unë them atë q ëmë thonë ata. Dhe do zbatoj këshillat e tyre dhe strategjinë e testeve nuk e bëj unë por ata. Do ti apo nuk do ti. Do PD apo s’do PD. Kontribuo dhe të kontribuojmë për të fituar këtë luftë, ” tha Edi Rama gjatë spektaklit qëai e quan bashkëbisedim. Dhe jo vetëm kaq!

Çfarë diskutohet në Kryesinë dhe Asamblenë e PS, është e ndaluar të flitet nag Edi Rama, por çfarë u diskutua në Këshillin e Sigurisë Kombëtare, që dalohet me Ligj, e thotë sot Edi Rama ose i vetëshpalluri Baba. Ndoshta edhe nuk do të rrëfente për atë se çfarë është thënë në Këshillin e Sigurisë Kombëtare, por meqë i duhet një argument për ta nxirë opozitën, e gjeti dhe e tha.

”Nuk është kohë për, dini apo nuk dini. Është koha për të koordinuar së bashku, dhe ja kam thënë në sy të gjithë Komitetit të Sigurisë Kombëtare. Nëse keni diçka që ju shqetëson pyesni, dëgjoni. Do ju përgjigjemi.”

Madje, Kryeministri thotë se në Këshillin e Sigurisë paska ftuar opozitën që të korrigjojë qeverinë në vendimet e saj dhe mos informojë publikun me mjete kriminale.

“Na ndihmoni të korrigjohemi. Dhe më pas mund të dilni kur e shihni si të padrejtë. Por jo duke informuar publikun me mjete që janë tmerr në kohë paqeje kurse në kohë lufte janë kriminale.”