Mesazh për trimat e lagjes, Rama: Masat lehtësuese për automjete, pazar 90 min…

Kryeministri Edi Rama ka paralajmëruar masa të ashpra për ata që hapin lokalet, duke e pranuar se ka të tillë për trimat e lagjes që nuk rrijnë dot pa pirë kafe, ndërsa paralajmëroi lehtësimin e regjimit të lëvizjes.

”Hapja e lokaleve, trimat e lagjes që nuk rrijnë dot pa pirë kafe. Vazhdon historia, janë shumë pak por janë mjaftueshëm për të na bërë një dëm shumë të madh. Prandaj do dënohet me heqje lirie, heqje patente dhe sekuestrim automjeti, konfiskim çfarë ka brenda saj.

Masat bëhen për ata në punë, që mos hiqen njerëz nga puna, nuk bëhet për këta që hapin lokale. Nuk u hap loja këtu, këtu loja u mbyll. Do i mbyllin derës nga mbrapa të institucionit të rehabilitimit shoqëror jo të shtëpisë,” tha Edi Rama dhe nga ana tjetër paralajmëron zgjatjen e orarit të pazarit deri në 90 minuta, bizneset që tani lejohen të punojnë kanë mundësi të thërrasin në punë punonjësit e tyre lëvizjen e punonjësve me makina private, por, kujdes:

“Masat lehtësuese që duam të marrin kanë të bëjnë me lejimin e plotë të automjeteve për punonjësit e bizneseve të lejuara në punë, por jo marrja në këto automjete e familjarëve. Nëse personi në fjalë do kapet me familjen do dënohet me gjobë, heqje të lejes së drejtimit, sekuestrim mjeti, deri në heqje lirie. Marrja në makinë e pensionistëve po ashtu do marrë ndëshkim me disa vite deri në heqje lirie,” tha Rama për masat që pritet të shihet edhe kjo javë për të ndryshuar masat që janë ende në fuqi dhe zëvendësimin e tyre me masa më të lehta sa i përket lëvizjes së qytetarëve.

“Do të hapim orarin e lëvizjes për të bërë pazar, do e çojmë në 90 minuta, kryerja me automjet privat e pazarit do të jetë e mundur por me sanksione të forta, heqje e lejes së drejtimt në raste shkeljesh”.