Mirënjohje personelit mjekësor, Basha: Testimi dhe izolimi, e vetmja mënyrë për të mposhtur virusin

Pas një muaji përballjeje me pandeminë e COVID-19 dhe në Ditën Botërore të Shëndetësisë, Kryetari i Partisë Demokratike, Lulzim Basha, duke shprehur mirënjohje për personelin mjekësor dhe falenderimin për ndihmën financiare të SHBA, rithekson se testimi dhe izolimi janë e vetmja mënyrë për të ndërprerë zinxhirin e infeksionit dhe për të mposhtur virusin.

Mesazhi:

Sot në #WorldHealthDay mirënjohja e zemrave tona i shkon gjithë personelit shëndetësor që po përballet prej një muaji me pandeminë e COVID 19. Ata janë garancia dhe forca jonë, bashkë me të cilët do ta fitojmë këtë betejë.

Ata sot kanë nevojë për mbrojtje, pajisje, mbështetje. Sot dua të shpreh falenderimin tim për ndihmën financiare të aleatëve tanë strategjikë SHBA, e cila do t’i mundësojë sistemit shëndetësor 30 mijë kite testimi aq shumë të domosdoshëm në këtë betejë.

Testimi dhe izolimi janë e vetmja mënyrë për të ndërprerë zinxhirin e infeksionit dhe për të mposhtur virusin. #ditemetemira.