“Turp dhe dështim”, PD i përgjigjet Ramës: Turp është të shkosh pas oligarkëve, të mos…

Pas akuzave të Kryeministri Edi Rama kudnër Partisë Demokratike dhe kryetarit saj Lulzim Basha se nuk mendon si të ndihmojë, as nuk do as nuk di, dhe do t’i mbetet vetëm turpi e dështimi i radhës, ka reaguar PD përmes Nënkryetarit Edi Paloka duke theksuar se sot është turp dhe tradhti ndaj shqiptareve të shkosh pas oligarkëve, të mos testosh qytetarët, të mos ndihmosh biznesin dhe qytetarët që nuk kanë bukë për fëmijët”.

“Çfarë është turp sot? A është turp të kërkosh mbështetje financiare për biznesin? A është turp të kërkosh mbështetje financiare për njerëzit që s’kanë bukë të hanë? A është turp që të kërkosh të testohen mjekët, policët, njerëzit në vijë të parë të ekspozuar ndaj Covid 19 dhe qytetarët që kanë qenë në kontakt me persona bartës të virusit? A është turp të kërkosh që lekët e 10 oligarkëve Rama t’ua japë qytetarëve që sot po vuajnë për bukën e gojës?” thekson Edi Paloka në reagimin e tij përmes rrjetit social Facebook duke përfunduar:

“Të sulmosh sot opozitën tregon se s’ke ndërmend t’u dalësh zot shqiptarëve, por të vazhdosh avazin e vjetër që gjithkush ka faj për dështimet e Ramës, përveç atij vetë!”

Ndryshe, sot përmes një postimi në Twitter, Kryeministri Edi Rama akuzoi Partinë Demokratike dhe kryetarin Lulzim Basha se nuk ka ndërmend të ndihmojë sot sepse ëndërron protesta të mëdha nesër:

“LBPD nuk mendon si të ndihmojë, se as nuk do as nuk di, po vazhdon avazin e vjetër 7×7=42 dhe ëndërron protesta të mëdha nesër,duke i thënë popullit sot se Covidi është Sudja me thasë me para! Shqipëria do ta fitojë këtë luftë dhe LBPD do t’i mbetet vetëm turpi e dështimi i radhës.”

Reagimi:

Çfare eshte turp sot?

A eshte turp te kerkosh mbeshtetje financiare per biznesin?

A eshte turp te kerkosh mbeshtetje financiare per njerezit qe s’kane buke te hane?

A eshte turp qe te kerkosh te testohen mjeket, policet, njerezit ne vije te pare te ekspozuar ndaj Covid 19 dhe qytetaret qe kane qene ne kontakt me persona bartes te virusit?

A eshte turp te kerkosh qe leket e 10 oligarkeve Rama t’ua jape qytetareve qe sot po vuajne per buken e gojes?

Turp dhe tradhti ndaj shqiptareve sot eshte te shkosh pas oligarkeve, te mos testosh qytetaret, te mos ndihmosh biznesin dhe qytetaret qe nuk kane buke per femijet.

Te besh politike nga mengjesi ne darke sot eshte te fshehesh deshtimin. Te sulmosh sot opoziten tregon se s’ke ndermend t’u dalesh zot shqiptareve, por te vazhdosh avazin e vjeter qe gjithkush ka faj per deshtimet e Rames, pervec atij vete!