Bari-Durrës, koronavirusi u mori jetën: Udhëtimi i fundit drejt shtëpisë!

Në Itali kishin gjetur punë, kishin realizuar një ëndërr dhe tani pasi humbën betejën me koronavirusin, nga Porti i Barit kthehen me makina funerale përmes tragetit Marina drejt Durrësit, që është dhe udhëtimi i fundit drejt shtëpisë.

Në fotografitë e publikuara nga mediat italiane të makinave funerale në Portin e Barit, raportohet se janë viktima të shqiptarëve që po rikthehen në atdhe pasi humbën jetën nga koronavirusi.

“Koronavirus, udhëtimi i fundit drejt shtëpisë. LIVE nga porti i Barit sekuencat dramatike të hipjes në arkivolëve për në Durrës. Kthimi i trishtuar në vendin e tyre. Këtu në Itali kishin gjetur punë, kishin realizuar një ëndërr. Sonte nga porti i Barit pamjet dramatike të makinave të varrosjes së shtetasve shqiptarë viktima të pandemisë. Ata do të ngjiten në tragetin Marina drejt Durrësit për lamtumirën e fundit”, shkruan faqja italiane teksa publikon fotot e fotografit, Francesco Saccente, në gazetën lokale në Bari, “Antennasud”.