Boris Johnson lë spitalin

Kryeministri britanik, Boris Johnson, ka dalë nga spitali, pasi është trajtuar për koronavirus, ka bërë të diutr sot Qeveria britanike.

Johnson, 55 vjeç, është shtruar në spitalin St Thomas të Londrës të dielën e kaluar, raporton RFE, dhjetë ditë pasi ka dalë pozitiv në testin për koronavirus.

Tre net i ka kaluar në kujdes intensiv.

Qeveria britanike tha se kryeministri do të vazhdojë shërimin në rezidencën e tij.

“Me këshillën e ekipit mjekësor, kryeministri nuk do të kthehet menjëherë në punë. Ai dëshiron t’i falënderojë të gjithë në spitalin St Thomas për kujdesin e shkëlqyer që ka pasur”, thuhet në deklaratën e Qeverisë britanike.

E fejuara e kryeministrit, Carrie Symonds, e cila po pret një fëmijë, ka shkruar në Twitter:

“Faleminderit të gjithëve që dërguan mesazhe mbështetjeje. Sot ndihem jashtëzakonisht me fat”.

Symonds është vetizoluar me simptoma të ngjashme me koronavirusin, por nuk është testuar.