Kodi i rilindur Penal/ Kujdes! Baba thotë: Ai që shkakton vdekjen me COVID-19, 10 vite burg; Kush thyen karantinën 2-3 vite burg…

Edhe në kohë COVID-19 Kryeministri Edi Rama tallet me popullin. Duke futur duart me makabritet të rallë në Kodin Penal, ai sot miraton rilindjen e këtij Kodi dhe e shetë nga makineria e tij propagandistike si miratim nga Parlamenti me riformulime ose më saktë me rekomandimet e Presidentit të Republikës, Ilir Meta, për të gjitha dënimet në rastet kur qytetarët thyejnë masat ndaj përhapjes së COVID-19 në këtë gjendje emergjence.

Seanca e sotme parlamentare ndonëse nxorri një Kod të rilindur Penal të miratuar me 88 vota, 11 kundër dhe 3 abstenime, nuk bindi njeri se regjimi i Edi Ramës do të vëjë drejtësi kur vritet një shqiptar qoftë dhe me COVID-19.

Kështu shqiptarët prej sot, sipas Kodit të rilindur Penal, kur nga përhapja e sëmundjes infektive është shkaktuar vdekja e 1 apo më shumë personave dënohesh me 5- 10 vite burg. Ndërkohë për ata që duan të vrasin 5 e më shumë persona kanë modelin e vrasjes, siç bëri djali i deputetes rilindase Luiza Xhuvani.

Përhapja me dashje e sëmundjes infektive, sipas Kodit të rilindur Penal parashikon 2-5 vite burg. Por, pas vendimit të Gjykatës për Saimir Tahirin, shqiptarët më shumë do të preferojnë krijimin e një grupi të strukturuar kriminal duke e qerasur gjyqtarin edhe me ca vite pune provë se sa të merren me marrëzirat kineze të OBSH e Bill Gatesit.

Ndër gjobat qesharake padyshim merr pjesë edhe përhapja nga pakujdesia e sëmundjes infektive me 2 vite burg. Llogaritni sistemin shëndetësor që ka krijuar Edi Rama, je i sëmurë, nuk të ofrohet shërbim për shkak të COVID-19, thirrë 127-n kot, dhe pa dashje qëllon në një infermiere normale që të sygjeron: Ik te Spitali Amerikan, vetëm aty ka lënë qeveria që të zgjidhësh punë! Ndryshe Kodi rilindas thotë se përhapja nga pakujdesia e sëmundjes infektive të dhuron 2 vite burg; E përkthyer nga shqiptarët e varfër, që Spitalin Amerikan e kanë “shëndet të premtuar”, 24 muaj burg janë të garantuar sikur të bëhet fjalë edhe për fruthin.

Kodi i rilindur Penal, për përhapjen e sëmundjes infektive që ka lënë pasoja të rrezikshme për jetën e njerëzve garanton në letër 3-8 vite burg. I tillë do të jetë në muajt e parë me urdhër të Babës, kur kemi parasysh arrestimet për faturat e dritave, por shqiptarët e kanë të qartë se me gjyqtarët e vetinguar nga rilindja, do të kalojë edhe kjo marrëzi.

Nëse një qytetar ndaj të cilit është dhënë më parë gjobë dhë përbën kundravajtje atëhere dënohet me gjobë – 6 muaj burg, është një masë që nuk do ti bie në sy as gjyqtarëve por duke pasur parasysh natyrën antibiznes të Babës duhet të kenë kujdes për kundravajtjen e parashikuar me këto ndryshime, nëse kryhet në ushtrim të akvititetit tregtar dhe rrezikon shëndetin e njerëzve, që parashikon – 2 vjet burg.

Dhe, vjen gjoba më komike! Duke pasur paraysh mënyrën e karantinimit që ofron Qeveria e Edi Ramës ose thënë më shqip, bashkëfinancimit të karantinimit, mjerë ata që nuk kanë lekë për 14 ditë karantinim. Ndryshe, Kodi i rilindur Penal thotë se nëse nuk zbatohet urdhri i detyruar për karantinim gjoba është 2-3 vite burg.

Në fund, kjo parti nuk shquhet për respektimin e ligjeve që nga krijimi i saj në vitet ’40-të të shekullit të kaluar, por, sot nuk tradhtoi as praktikën e dënimit dhe më pas miratimit të Ligjit në Parlament për veprat për të cilat keqtrajtuan, arrestuan dhe pushkatuan të pabindurit.

Ndryshimet në Kodin Penal

Neni 242/1
Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë

Moszbatimi ose kryerja e veprimeve në kundërshtim me aktet ligjore apo nënligjore të nxjerra nga organet shtetërore, në funksion të gjendjes së epidemisë apo të zbatimit të masave të jashtëzakonshme, nga personi ndaj të cilit është dhënë më parë masë administrative, përbën kundërvajtje penale dhe dënohet me gjobë ose me burgim deri në 6 (gjashtë) muaj.

Po kjo vepër, kur është kryer në ushtrim të aktivitetit tregtar, duke vendosur në rrezik shëndetin e njerëzve, dënohet me gjobë ose me burgim deri në 2 (dy) vit.

Moszbatimi i urdhrit të dhënë nga organet kompetente për karantinimin ose izolimin apo shkelja e rregullave të karantinës ose të izolimit, nga personi mbartës ose jo i sëmundjes infektive, të cilit i është njoftuar ky detyrim nga autoritetet shtetërore përkatëse, dënohet me burgim nga 2 (dy) deri në 3 (tre) vjet.

Neni 89/b
Përhapja e sëmundjeve infektive

Përhapja me dashje e sëmundjes infektive me rrezikshmëri të lartë për shëndetin, nëpërmjet kryerjes së veprimeve apo mosveprimeve nga personi që është diagnostikuar si mbartës I sëmundjes apo nga personi që ka qëllim përhapjen e saj, dënohet me burgim nga 2 (dy) deri në 5 (pesë) vjet.
Kur kjo vepër është kryer nga pakujdesia dënohet me gjobë ose burgim deri në 2 (dy) vjet.

Po kjo vepër, kur ka shkaktuar pasoja të rënda për shëndetin ose është rrezikshme për jetën e njerëzve, dënohet me burgim nga 3 (tre) deri në 8 (tetë) vjet.