Presidenti Trump: Kina mund të përballet me pasoja për përhapjen e COVID-19

Presidenti i Shteteve të Bashkuara, Donald Trump, ka paralajmëruar Kinën se mund të përballet me pasoja, nëse me vetëdije përhapi COVID-19.

“Ka mundur të ndalet në Kinë para se të fillojë përhapjen, e gjithë bota po vuan për shkak të kësaj,” tha Presidenti Trump para gazetarëve në Shtëpinë e Bardhë.

Presidenti Trump dhe disa zyrtarë të lartë amerikanë kanë akuzuar Kinën për mungesë të transparencës pas shpërthimit të virusit në Wuhan, ndërsa javën që shkoi pezulloi fondet për Organizatën Botërore të Shëndetësisë pas akuzave për keqmenaxhim dhe fshehje të situatës në Kinë.

SHBA dhe Kina janë përplasur për virusin, raporton RFE derisa Presidenti Trump e ka fajësuar Presidentin Xi Jinping për mosndërhyrje në situatë.

Ndryshe, Shtetet e Bashkuara kanë numrin më të madh të njerëzve të prekur me koronavirus, me mbi 711.000 njerëz të infektuar dhe me mbi 37.000 të vdekur.