Londër: Vaksina mund të testohet gjatë ditëve të ardhshme

Shkencëtarët në Britani të Madhe që po punojnë për zbulimin e një vaksine kundër koronavirusit, shpresojnë të fillojnë provat klinike deri në fund të javës tjetër, raporton BBC.

Profesorja në Universitetin e Oxfordit, Sarah Gilbert, tha se askush nuk është imunizuar deri më tani, por ekipit të saj iu dha leja, të fillonin rekrutimin e vullnetarëve.

Sarah Gilbert, raporton RFE, shpreson se testimet klinike do të fillojnë brenda ditëve të ardhshme.

“Ne jemi duke pritur të bëhen testet përfundimtare të sigurisë dhe të jepen miratimet përfundimtare,” tha ajo për BBC duke shtuar se studiuesve iu duhet mbështetje nga qeveria e Mbretërisë së Bashkuar për përshpejtimin e prodhimit të vaksinës.

Britania e Madhe ka 115.314 të infektuar me koronavirusin e ri dhe 15,498 të vdekur.