Thaçi flet në emër të 91 deputetëve, Vjosa Osmani: Por jo në emrin tim!
Pas spektaklit që ofroi Hashim Thaçi në Presidencë me Isa Mustafën dhe shokët e tij, Nënkryetarja e Lidhjes Demokratike të Kosovës, Vjosa Osmani, duke kujtuar Marrëveshjen e Thaçit me Daçiçin të cilën e solli 7 vjet më parë në Parlament, duke amnistuar serbët që kryen krime në Kosovë, sot, po ky njeri flet në emër të 91 deputetëve për të rkijuar një qeveri që ai e don.
“Sot, 7 vite pas, po i njëjti njëjti, tenton të flasë në emër të 91 deputetëve. Por, jo në emrin tim, e as në emër të qindra mijëra qytetarëve të tjerë të këtij vendi, të cilët njëjtë sikur më 6 tetor 2019, edhe sot qartë dijnë të bëjnë dallimin e të mirës me të keqen,” thekson Kryetarja e Parlamentit, Vjosa Osmani, në reagimin e saj përmes rrjetit social Facebook duke i bërë të qartë këtij manipulatori të opinionit publik që Kosova e ka për fat ta ketë Presidenti se edhe 7 vjet më parë votoi kundër e bindur që kjo nuk ishte as njohje e as marrëveshje finale, siç e shiti Hashim Thaçi, dhe vetëm hapte rrugë për shkelje të tjera të rënda në dëm të shtetësisë e sovranitetit të vendit.
Ja postimi i plotë:
Si sot 7 vite më parë, Thaci solli për votim në Kuvend marrëveshjen e tij me Dacic, të cilën e quajti njohje të Kosovës nga Serbia. Marrëveshja, në fakt, krijoi Asociacionin e Komunave Serbe, legalizoi strukturat kriminale të veriut, i futi strukturat e sigurisë së Serbisë në institucionet tona, krijoi sistem jounitar gjyqësor e ofroi amnisti për serbët që kishin kryer krime. Atëherë votova KUNDËR, e bindur që kjo nuk ishte as njohje e as marrëveshje finale dhe vetëm hapte rrugë për shkelje të tjera të rënda në dëm të shtetësisë e sovranitetit të vendit.
Sot, 7 vite pas, po i njëjti njëjti, tenton të flasë në emër të 91 deputetëve. Por, JO NË EMRIN TIM, e as në emër të qindra mijëra qytetarëve të tjerë të këtij vendi, të cilët njëjtë sikur më 6 tetor 2019, edhe sot qartë dijnë të bëjnë dallimin e të mirës me të keqen.
