Pas 2 Marsit, në “Ditën e librit” Ilir Meta tenton të mashtroj duke lexuar disa faqe

Pasi dekretoi dje ndryshimet në Kodin Penal të hartuara nga Edi Rama, të cilin më 2 Mars e akuzoi se po shkatërron Kushtetutën dhe do ta marrë nën kontroll edhe Gjykatën Kushtetuese, Presidenti Ilir Meta i përgjigjet kritikëve të këtij dekretimi sot në Ditën Ndërkombëtare të Librit duke i akuzuar se nuk lexojnë, ndërsa citon ca rreshta nga Ligji i Danimarkës për luftën kundër koronavirusit, shtet të cilin thotë se e ka për zemër si kampion të demokracisë.

Meqë Ilir Meta na del aq i lexuar dhe thotë se e ka për zemër Danimarkën duke sjell Ligjin danez, pse “harron” të citoj atë pjesë të Ligjit ku thuhet se ai që kundërshton të testohet dënohet me burg! Ndërkohë i vetmi që refuzon testimin në Shqipëri është tashmë Kryeministri i suksesshëm sipas Metës, Edi Rama. Dhe Ilir Meta heshti jo vetëm dje kur u pyet për Krujën dhe fasoneritë.

Ligji i Danimarkës, disa prej faqeve që citon Ilir Meta parashikon burg për çdo qytetar që refuzon të mjekohet, por në Shqipëri nga dita e parë izolimit, çdo ditë, këshilla kryesore e Ministrisë së Shëndetësisë ishte mos ejani në Spital. Dhe Ilir Meta heshti!

Ligji, të cilin e citon duke abuzuar, Presidenti i Republikës i cili ndryshoi mendim për Edi Ramën, refuzon hyrjen e të huajve në Danimarkë por jo edhe shtetasve danez, siç veproi Qeveria e Shqipërisë! Dhe Ilir Meta heshti!

Në fund, më kryesorja, kur Kryeministrja e Danimarkës, Mette Frederiksen, arsyetoj masat duke e pranuar se janë ekstreme, mbylli kufijt dhe sqaroi se ato do të jenë në fuqi deri më 13 Prill. Sot Danimarka ka hap kufijt madje dhe shkollat ndonëse të dhënat flisnin për 7.515 të infektuar dhe 364 të vdekur nga koronavirusi. Dhe, sot i lexuari Ilir Meta heshtë kur miku i tij tashmë i rikthyer në tryezën e pazareve miraton Gjendjen e Fatkeqësisë Natyrore deri më 23 Qershor, që kur të llogaritet me një kalkulator danez rezulton plotë 4 Muaj!

Dhe, Ligji i Danimarkës kundër koronavirusit është në fuqi deri në Marsin e vitit 2021, dhe ndonëse e ka dekretuar mund ta lexoj çfarë thotë ai i Edi Ramës!.

Sot, kur Ilir Meta në Ditën e Librit bën sikur i lexueshëm dhe citon ca faqe, mirë është të mos largohet nga terreni që e njeh mirë, Serbia, dhe të tërheq paralele me kriminelin Vuçiç dhe masat e tij, sepse krahasimi i cituar në Reagimin e tij nuk qëndron; Kushtet në burgjet e Danimarkës nuk krahasohen as me ato të hoteleve në Shqipëri.

Reagimi i Ilir Metës

Sot është një ditë e rëndësishme, Dita Ndërkombëtare e Librit.

Por fatkeqësisht ka disa “pseudo-intelektualë” dhe “pseudo-ekspertë”, të cilët jo vetëm kanë harruar të lexojnë libra, por as duan të lexojnë e të kuptojnë vendime të thjeshta, por tepër të rëndësishme për jetën dhe sigurinë e të gjithë qytetarëve në këto momente të vështira pandemie.

Sinqerisht u sugjeroj të thellohen dhe të lexojnë variantin final të miratuar nga Kuvendi pas ndryshimeve thelbësore të propozuara publikisht nga Presidenti i Republikës.

Dhe meqënëse janë kaq të brengosur për cenimin e të drejtave të njeriut, po citoj vetëm dy nene, të një vendi që e kam për zemër si kampion të demokracisë, të drejtave të njeriut dhe që shpiku institucionin e Ombudsmanit (Avokatit të Popullit), si Danimarka:

? Article 192
(2) If the disease is of such a nature that, under the laë, it shall be liable to public treatment or at the time of the committing of the act it is in fact being so treated, or if special measures have been taken against its introduction into the state, the penalty shall be imprisonment for any term not exceeding six years.

? Neni 192
2. Nëse sëmundja është e tillë që, sipas ligjit, plotëson kushtet për trajtim nga shëndeti publik ose në kohën kur kryhet vepra po trajtohet si e tillë, ose nëse masa të veçanta janë marrë nga shteti kundër sëmundjes, dënimi është burgim deri në 6 vjet.

? Article 252

(1) Any person ëho, for the purpose of gain, or ëho purely ëantonly or in any similar reckless manner, exposes the life or physical ability of others to impending danger shall be liable to imprisonment for any term not exceeding eight years.

? Neni 252
1. Personi i cili, për qëllime përfitimi, ose me dashje ose për shkak të një neglizhence të ngjashme, vë në rrezik kërcënues jetën apo aftësinë fizike të të tjerëve, dënohet me burgim deri në 8 vjet.

Pra të dashur “armiq” të librit, megjithëse leximi i librit është një mundim shumë i madh për ju, besoj se këto dy rreshta do gjeni kohë t’i lexoni.

Me përgjegjshmëri të plotë dhe me koherencën e përhershme jo vetëm e mbrojta Kushtetutën, por edhe zgjidhëm boshllëkun, që kishte Kodi Penal për ata që donin të përdornin pandeminë kundër shëndetit të qytetarëve, duke vendosur për këtë çështje madhore një standard si të Danimarkës.

Ah sikur të kishim në çdo fushë standarde të tilla….