Maqedoni e Veriut, edhe 41 raste, 1.367 të prekur me koronavirus

Ministria e Shëndetësisë e Maqedonisë së Veriut ka bërë të ditur gjatë 24 orëve të e fundit nga 728 teste të kryera 41 persona rezultuan pozitiv me COVID-19 duke e çuar në 1.367 numrin e të prekurve me koronavirus; Prej tyre, 374 persona janë shëruar.

Numri më i madh i të infektuar gjithsej 17 është regjistruar në Shkup, që mbetet edhe qyteti më numrin më të madh të të sëmurëve me COVID-19.

Ministria e Shëndetësisë ka njoftuar edhe për dy të vdekur nga koronavirusi. Viktimat janë njëri nga Shkupi i moshës 25 vjeç, i sëmurë me sindromën Down dhe një tjetër i moshës 36-vjeçare nga Gostivari, që vuante nga mbipesha.

Numri i të vdekurave nga koronavirusi ka arritur në 59, shumica prej tyre raporton RFE, nga Shkupi, Kumanova dhe Struga.

Që nga paraqitja e virusit, në Maqedoninë e Veriut janë kryer 14.758 teste.

Ministri i Shëndetësisë, Venko Filipçe i ka bërë thirrje qytetarëve që të respektojnë masat për kufizimin e lëvizjeve, ruajtjen e distancës dhe mbajtjen e maskave në vendet publike, si mundësi e vetme për mbrojtje nga përhapja e virusit.

Ora policore ka nisur në orën 15:00 dhe do të zgjasë deri në të hënën në orën 05:00.